مملکت ده زوروانلیک لرکوپیشی بیلن عینی دمدمه، ملی مصالحه عالی کینگاشی رسی، افغانلرارا مذاکره لر باشلنیشی عرفه سیده زوروانلیک لر کوپیشی مثبی خبرایمس دیب ایتکن.

ملی مصالحه عالی کینگاشی ریسی عبدالله عبدالله اوتکن کونی توشدن سونگ‌( چهارشنبه ۴ سرطان) امریکا صلح انستیتوتی میزبان لیگی بیلن اوتکزیلگن بیرویدیو کنفرانس ده دیدی:« آچیقچه ایتیشیم کیرک که افغانستان ملتی خصوصا عیاللر، باله لرو یاشلرنی اوروش میدان لری، قشلاق لر، شهرلر، مسجدلر وحتی شفاخانه لرده اولدیریش نی هیچقندای سیاسی و مذهبی توجیه سی یوق.» او بو خلق ارا یغین ده اوز صحبت لری دوامیده مملکت وطنداشلری اساسی حق حقوقی دن حمایت ایتشده تاکیدلب، جمهوریت بویچه طالبان نقطه نظریگه توختلیب دیدی امیدیم بارکه طالبان « بیرشخص، بیرآواز» اصلی بیلن قرشی لیک کورستمه سه چونکه وبوموضوع جمهوریت تیزیمی نی عمده اصلی دیر.

ملی مصالحه عالی کنیشگاشی ریسی عینی دمده افغانساان تینچلیک تامین لنیشی اوچون اورته گه  چیققن بوفرصت نی مثل سیز وتاریخی اتب دیدی ایچکی ، منطقه ای و خلق ارا اوزگریش لرگه قرگنده برچه تمان لر افغانستان معماسی حربی یول آرقلی حل ایتیلمس لیگی گه اتفاق نظرلری بار و اوروش وقان توکیلیش فقط بیرسیاسی و دایمی وهرتمان له مه کیلیشو بیلن حل ایتیلشی ممکن.

عبدالله جنابلری مملکت ده زوروانلیک لرکوپیشی دن اوندای بیرحالده خواتیر اظهارایتکن که ملی خوفسیزلیک کینگاشی مملکت نینگ ۱۹ ییل لیک تاریخی ده اوتکن هفته نی اینگ قانلی هفته بولگنی اعلان ایتیلدی. ملی خوفسیزلیک کینگاشی گه کوره اوتکن هفته ده طالبان هجومی سبب مملکت نینگ ۳۲ ولایتی ده ۲۹۱ عسکر اولدیریلیب و ۵۵۰ عسکر یاره لنگن. بو هجوم لرنتیجه سیده شونینگ دیک ۱۴۷ کیشی هم عادی اهالی دن اولدیریلیب جراحت کورگن.