عبدالله: اولسواللیکلرنی سقوط آرتیگه هیچ‌بیر‌منتظم دستور یوق
neshananews
15 June 2021ملي يرشيش عالي کینگاشی رییسی عبدالله عبدالله جنابلری افعانستان جمهوررييسی بیرینچی اورین‌باسری اظهاراتیگه مناسبت کورستیب ایتکن اولسواللیکلرنی آلدین کیین سقوطی آرتیدن هیچقندای منتظم دستور یوق دیر.
ملي يرشيش عالي کینگاشی نشر ایتکن خبرنامه‌سیده یازگن عبدالله‌جنابلری بو موضوع‌ني بوکون ( سه‌شنبه ۲۵ جوزا) بیرقطار یاشلر بیلن سپیدار‌ده اوتکزگن اوچرشویده اظهار ایتکن.
خبرنامه گه کوره عبدالله‌جنابلری امنیتی قوتلرنی بیرقطار تومنلردن آرتگه چیکنیشی ده تورلی سبب و عامللر دخلدار دیر دیب ایتکن. بو کینگاش رییسی، مملکت‌ده دوام ایتیب‌باراتگان اوروش حربی یول آرقلی حل بولیمیدی دیب بو معماگه مذاکره آرقلی ایچیم یول تاپیش لازم دير دیب تاکیدلشکن. اونگه کوره اما حاضرگه‌قدر طالبان بو موضوع‌ني قبول قیلمگن.
ملي يرشيش عالي کینگاشی رییسی مملت‌نینگ جاري وضعيتي قیینت بهالب افعانستان اهالی‌سي و سیاستچیلری اوز ارا همکارلیک و هماهنگ‌لیک لری بیلن بو مرکب شرایط‌دن اوته‌آله‌دیلر ديدي.
مملکت‌دن خارجی قوتلرنی چیقیشی ۴۰ کون آلدین باشلنگی‌دن بویان تورلی ولایتلرنینگ قریب اون تومنی‌نی طالبان گروهی جنگچیلری تصرف ایتکن.
جمهوررييس بیرینچی اورین‌باسری امرالله‌صالح اولسواللیکلرنی سقوطی بیر منتظم دستور اساسیده عملگه آشیریلیب و بو ایسه طالبان گروهی جنگچیلری‌گه بیر تور دام دیر دیگندی.
