عبدالله بیک، تخارده طالبانگه قرشی مقاومت‌نینگ ایکّینچی تۉلقینی سنگربانی
neshananews
12 July 2021طالبان نینگ قانلی جنگلرینی اوج آلگنی و گروه نینگ مملکت شِمالیده‌گی تومنلرنی اېگه‌للشگه قره‌تیلگن هجومی، کۉپلب سابق جهاد قوماندانلری و محلي تنیقلی شخصلرنی طالبانگه قرشی مقاومت کوچلری صفیگه قۉشیلیشلریگه سبب بۉلدی. طالبانگه قرشی خلق نینگ مقاومت کۉرسه‌تیشده افغانستان شمالی اېتکچیلیک قیلدی و خلق نینگ خوفسیزلیک کوچلری بیلن همکارلیک قیلیش روحینی آشیریش بیلن بیر قطارده، خلق قۉزغآلانلرینی سفربر قیلیش و اوشبو گروهگه قرشی ملي مقاومت‌ني شکللنتیریش جریانی رواج رونق بیریش ده کتته حصه قوشماقده.
تنیقلی جهادی قوماندانی عبدالمطلب بیک اۉغلی قوماندان عبدالله بېیک یقینده تخار ولایتیده طالبانگه قرشی قرشی مقاوت جبهه‌سینی آچدی و طالبلر نینگ ولایت مرکزیگه هجوملرینی آلدینی آلیش و یۉقالگن جایلرنی اېگه‌للب آلیش اوچون کۉپراق آدملرنی سفربر قیلیشگه اوریندی.
جناب بیک افغانستانده‌گی جهادی، مقاومت و سیاسيچی بیر عایله‌گه منسوب بۉلیب، اونینگ جنگ میدانیده بۉلیشی خوفسیزلیک کوچلری و مقاومتچیلر نینگ روحیتینی کۉتاریشی، شونینگدېک حاضرگی مرکب وضعیتگه چېک قۉییشی ممکن. اونینگ آته‌سی جهاد قوماندانی و تخار خلقی نینگ پارلمانده‌گی وکیلی بۉلگن، اما نیچه‌ییل آلدین جنگلرده و طالبان زۉرآورلیگیده اۉلدیریلگن. جناب بېک نینگ تأکیدلشیچه، او و باشقه اۉرتاقلری اېندی طالبلرگه قرشی عامه‌وي سفربرلیکنی باشله‌گن و هر کونی گروه جنگریلریگه قرشی کوره‌شماقده.
اونگه کۉره، مقاومت‌نینگ برچه قوماندانلری و باشقه خلق قۉزغآلانلری خوفسیزلیک کوچلری یانیده بۉلیب، قان عوضیگه قۉلگه مینگلب شهیدلرنی قانی بیلن قولگه کیریتیلگن ملک، شرَف، جغرافیه، اسلامي و انساني قدریتلر اوچون جانلرینی فدا قیلیشگه وعده بېریشدی.
یاش قوماندان نینگ قۉشیمچه قیلیشیچه، تومنلرنی طالبان قولیگه اوتیشی و بوگروه نینگ اوروش جغرافیه‌سی نینگ کېنگه‌ییشی گروهگه یالغان غرور بغیشله‌گن و اولر اوروش و زۉرآورلیک ارقلی آدملر تقدیرینی باشقه‌ریشی ممکن دېب حسابلشه‌دی. اونگه کۉره، طالبانگه قرشی ملي قرشیلیکنی شکللنتیریش خلق قلبیده طالبان امیرلیگی نینگ افغانستانگه قَیتیشی ممکن اېمس.
جهاد رهبرلری، مقاومت قوماندانلری و قبیله آقسقاللری تمانیدن قرشیلیک کۉرسه‌تیش صفیده آدملر نینگ کۉپه‌ییشی و بدخشاندن تخار، بلخ و بغلان‌گه، شونینگدېک هرات، پروان و باشقه ولایتلرگه طالبلرگه قرشی آوازلر نینگ کۉتریلیشی، مقاومت نینگ ایکّینچی تۉلقینی طالبلر نینگ هجوملرینی آلدینی آلیش و گروه نینگ اوروش جغرافیه‌سینی اېنگ قیسقه وقت ایچیده قیسقرتیریش گه سبب بوله دي و طالبلر نینگ تومنلرگه اساسسیز باسقینی دستلبکی کونلری تشویشلرینی توگه‌تدی.
جناب بېک نینگ ایتیشیچه، اولر نینگ اساسي اوستوار وظیفه‌سی – موجود کوچ و واسطه‌لردن فایده‌لنیب، طالبلر نینگ مرکزي حدودلرگه هجوملرینی آلدینی آلیش، سۉنگره آدملرنی سفربر اېتیش و یۉقالگن حدودلرنی قَیتریب آلیش اوچون کوچلرنی سفربر اېتیش گه قرتیلگن.
“اگر طالبلر خلق‌ارا هم‌جمعیت، اسلام دنیاسی علماسی و افغانستان خلقی نینگ تینچلیک یۉلیده‌گی سعی-حرکتلریگه رعایه قیلمسه، اولر بو گروهگه قرشی اوروش سنگرلرینی بوتون افغانستان بۉیلب مقاومت قوماندانلری نینگ موافقلشتیریلیشی بیلن ایلیق توتیشه‌دی و باشقه ظلمگه یۉل قۉیمه‌یدی “، دېدی او.
جناب بېک نینگ تأکیدلشیچه، او طالبانگه قرشی آچگن جبهه‌سی، اگر مرکزي حکومت تمانیدن قۉللب-قوّتلنسه، تېز آره‌ده طالبلر نینگ ایلگریلشیگه تۉسقینلیک قیلیب‌گینه قالمه‌ی، بلکه تخار تومنلریده‌گی یۉقالگن حدودلرنی هم اۉز نظارتی آستیگه آلیشی ممکن.
خلق قۉزغآلانی و طالبانگه قرشی مقاومت جبهه‌سی ، افغانستاندن چېت اېل قۉشینلرینی چیقیب کېتیشی تېزلشتیریشی دن سونگ طالبان گروهی بیر آیدن کم وقت ایچیده منطقه نینگ کتّه قِسملرینی اوزنظارتلری آستیده کیرتیش بیلن شمال و شِمالی-شرقي ولایتلرگه هجومینی کوچه‌یتیرگندن سۉنگ شکللندی.
مقاومت قوماندانلری نینگ ایتیشیچه، تینچلیک مذاکره‌لریده طالباندن یوز اۉگیریش و اوروشگه اعتبار قره‌تیش آدملرنی جنگ میدانیگه تارته‌دی و اولر تېز آره‌ده افغانستان بۉیلب جماعتچیلیکنی سفربر قیلیش آرقه‌لی طالبانگه تینچلیک ایزلش و جنگاورلیککه سبق بېریشه‌دی.
گرچه طالبلر مذاکره چوکییدن چیقمه‌گنلیکلرینی و زۉرآورلیکلرنی دیالوگ آرقه‌لی توگه‌تیشگه حرکت قیله‌یاتگنلیکلرینی ایتگن بۉلسه‌لر-ده، گروهلر نینگ جنگ میدانلریده‌گی تومنلر نینگ تۉستدن قوله‌شیگه آلیشی گه اینتیله‌یاتگنلیگینی کۉرسه‌ته‌دی که بو گروه قدرت‌نی تینچلیک مذاکره‌لری آرقه‌لی ایمس بلکه زۉرآورلیک و اوروش آرقه‌لی قولگه کیریتماقچی.
