ملی یرشیش عالی کینگاشی ریسی عبدالله عبدالله بو کینگاشی رهبرلیک کمیته سی ایلک یغینیده، تینچلیک تمان لری بو آقیم گه « منفعت طلب لیک» قره‌ش لری بولمسلیگی کیرک دیب ایتکن.

عبدالله جنابلری بوکون ( شنبه ۱۵ قوس) جمهوررییسلیک سرای ارگ ده یولگه قویلگن ملی یرشیش عالی کینگاشی رهبرلیک کمیته سی ایلک یغینیده عبدالله جنابلری، اوروش دوام ایتیب باریشی بیلن هیچ کیم نینگ منفعتی تامین لنمی دی دیدی. عبدالله جنابلری شو سبب دن « تیچلیک آقیمی گه قره‌ش میز منفعت طلبانه بولمسلیگی کیرک» دیب تاکیدلشکن.

عبدالله جنابلری ملی یرشیش عالی کینگاشی افغانستان دولتی مذاکره قیلوچی هیاتی دن هرتمان له مه حمایت و ارقه داشلیک قلیشی نی اعلان ایتیب بو کینگاشی تینچلیک آقمی بویچه ملی اجماع و بیرلیک نشانه سی دیردیدی. او بو کینگاشی ترکیبی کامل راق بولیشی نی ایتیب اولکه ده تیز راق آتش کیسیم براقرار بولیشی نی طلب ایتی.

ملی یرشیش عالی کینگاشی ریسی شونینگ دیک افغانستان دولتی آتش کیسیم برقرار ایتیش ده تیارگرلیگی بارلیگی نی اعلان ایتیب طالابن هم بو باسیقیچ ده مملکت ده عمومی آتش کیسیم برقرارایتیش ده کیلشیش لری لازم دیدی. او زوروانلیک لرکمیشی و آتش کیسیم برقرارلیگی می صلح مذاکره لریده افغانستان دولتی هیاتی نینگ اینگ مهم تکلیفی بولگنی نی اورغولشدی.

عبدالله جتابلری تینچیلیک آقمی ده افغانستان خلقی یوتوقلری و ارگانلری سقلنیشی نی تاکیدلب ملی یرشیش عالی کینگاشی  افغانستان نینگ اوتکن اون توقیز ییل ده‌گی یوتوقلری و ارگان لری سقلنیشی بیلن مملکت کیله جکی اوچون بیر یول نقشه سینی نی چیزیشی لازم دیدی.

ملی یرشیش عالی کینگاشی رهبرلیک کمیته سی ایلک یغینی، اوتکن هفته امریکا، اورپا اویشمه سی و بریتانیا مملکت لری تمانیدن بو کینگاشی یغینی تشکیل ایتیلشی گه تاکیدلشگن لریدن سونگ مملکت نینگ تنقیلی  سیاسی سیما وشخصیت لری حضوری بیلن یولگه قویلدی. بو کینگاشی طالبان بیلن افغانستان دولتی نی مذاکره قیلوچی هیاتی نی رهبرلیک قیلماقچی.