عبدالله: طالبلر هنوزگچه سیاسي مقصدلرینی حربي یۉل آرقلی ایزله‌ماقده
neshananews
19 July 2021مملکت ملي یره‌شیش عالي کېنگاشی رئیسی عبدالله عبدالله نینگ ایتیشیچه، طالبلر هنوزگچه سیاسي مقصدلرینی حربي یۉل بیلن ایزله‌ماقده‌لر.
عبدالله‌جنابلری قربان هییتی مناسبتی بیلن بوگون ( دوشنبه ۲۸ سرطان) نشرایتکن پیامی‌ده، حکومت و طالبان اۉرته‌سیده تینچلیک کېلیشووی اوچون سۉنگگی امکانیت و فرصت سه‌قلنیب قالگنینی ایتکن.
عبدالله جنابلری، افغانستان حکومتی نینگ یوقاری درجه‌ده‌گی هیاتی نینگ دوحه‌گه سفری و طالبان بیلن اوتکزگن مذاکره‌لریگه اشاره قیلیب، هیات‌اعضالری، افغانستان حکومتی نینگ اوروشنی توخته‌تیش اوچون سیاسي اېچیم تاپیش ضرورلیگی تۉغریسیده انیق فکرلرینی اۉرتاقلشدی.
اونگه کۉره، هیات طالبان‌نی زۉروانلیکدن واز کېچیشگه و مذاکره آرقه‌لی اۉز مقصدلریگه اېریشیشگه چقیرگن.
ملي یره‌شیش عالي کېنگاشی رییسی تأکیدلشیچه، طالبان نینگ حربي یوتوقلرگه اورغو بېرگنی بو گروه سۉنگگی ۴۳ ییل‌لیک اوروشنی دوام اېتیشدن سبق آلمه‌گن.
او حاکمیتنی زۉر و زۉروانلیک بیلن اېگه‌للب آلیشگه اورینیشنی ناتۉغری بهالب، بیران بیر گروه اۉز اراده‌سینی خلققه یوکلنتیره آلمه‌سلیگینی تاکیدلشکن.
او بو سوزلرني اوندای بیرحالده ایتکن که اۉتگن هفته جمعه کونی بیر یوقاری درجه‌ده‌گی هیاتی باشچیلیگیده قطرگه سفر قیلیب طالبلر نینگ سیاسي اۉرین‌باسری ملاعبدالغنی برادر باشچیلیگیده‌گی طالبان هیاتی بیلن مذاکره قیلدی.
ایکّی کون دوام ایتکن بو اوچره‌شووده تمانلر انیق بیر خلاصه‌گه کېلیشه‌آلمه‌دیلر.
