عبدالله: یقین کونلرده تینچلیک مذاکره‌لری دوام اېته‌دی
neshananews
13 July 2021ملي یره‌شیش عالي کېنگاشی رئیسی عبدالله عبدالله حکومت نینگ طالبان بیلن تۉغریدن-تۉغری مذاکره‌لرینی تینچلیک اوچون ینگی امکانیت دېب اته‌دی و یقین کونلرده مذاکره‌لر قَیته باشلنیشینی دن خبربیردی.
جناب عبدالله بوگون ( سه‌شنبه ۲۲ سرطان) کابل‌ده بولیب اوتکن ییغینده سۉزگه چیقیب اوروش اېنگ یمان احوالده بۉلگن بۉلسه-ده، افغانستان حکومتی تینچلیک مذاکره‌لریگه باریشگه تۉلیق تیار اېکنلیگینی ایتدی.
اونینگ قۉشیمچه قیلیشیچه، تینچلیک اوچون ینگی فرصت یره‌تیلگن و اگر بو امکانیت مملکتده اوروشنی توخته‌تیش اوچون یۉل آچسه، حکومت اونی ضایعه قیلمه‌یدی. اونگه کۉره، طالبلر بیلن تۉغریدن-تۉغری تینچلیک مذاکره‌لری یقین کونلرده قَیته تیکلنه‌دی.
اما جناب عبدالله، طالبلر تمانیدن زۉرآورلیک نینگ اوج آلیشینی قتّيق تنقید قیلیب، اگر بیر تمان اوروش ني دوام ایتیریش گه تاکیدلشسه، حکومت‌گه اۉز اهالی‌سینی حمایه قیلیشدن باشقه یۉل و چاره قالمسلیگینی ایتگن.
ملي یره‌شیش عالي کېنگاشی رئیسی حاضرده سیاستچیلر اۉرته‌سیده حساب-کتاب قیلیش وقتی اېمسلیگینی و برچه سیاسي جماعه‌لر و اهالی خوفسیزلیک کوچلری بیلن بیردم بۉلیشی کېره‌کلیگینی تأکیدله‌دی.
عینِ پیتده سابق جمهوررییس حامد کرزهی یقین کونلرده قطرده جدّي تینچلیک مذاکره‌لری باشلنیشینی اَیتکن.
عینِ پیتده منبعلر، ملي یره‌شوو عالي کېنگاشی رئیسی عبدالله عبدالله نینگ طالبلر بیلن مذاکره‌لر آلیب باریش اوچون یقین کونلرده قطرگه باریشینی تصدیقله‌ماقده. رسمي منبعلر حاضرچه بو حقده ایضاح بېرمه‌گن.
