غزني ولايتي امنيتي مسووللري بو ولايت نينگ ده يك تومني گه تيگيشلي حدودده ملي اردو قوتلري قرارگاهي يقينيده، پارتلوچي ماده دن توله بير هاموي واسطه پارتلشي نتيجه سيده ٢١ كيشي قربان بوليب و ١٧ كيشي ياره لنگن ني تصديقلشكن.

غزني پوليسي سوزچيسي احمدخان سيرت گه كوره بو واقعه بو كون ايرته لب ( يكشنبه ٩ قوس) ساعت ٠٨:٠٠ غزني – قندهار شاه يولي حدويده يوز بيرگن ديدي. سيرت جنابلريگه كوره بو هجوم مقصدي ملي اردو قوتلري قرارگاه سي بولگن. غزني پوليسي سوزچيسي اما اردو قوتلريگه بتكزيلگن تلفاتلر باره سيده معلومات بيرمگن.

عيني حالده غزني ولايت كينگاشي رييسي نصيراحمد فقيري، ملي اردونينگ عامه امن ونظم قوتلري قرارگاهي بو موتر بمب تمانيدن نشان گه توتيلگن.

عيني زمانده غزني ولايت مركزي كسلخانه سي مسووللري، حاضرگه قدر بو حادثه قربان بولگن ٢١ جسد و ياره لنگن ١٧ يارهلنگن شخص شفاخانه ده انتقال بيريلگن.

غزني مركزي شفاخانه سي ريسي بازمحمد همت ديدي بو واقعه برچه قربانلري امنيتي قوتلر بولگن ديب ايتي.

حاضرگه قدر بو واقعه مسووليتي ني هيچ بير شخص و گروه اوز بوينيگه آلمگن.