غزنی ولایت کېنگاشی رئیسی: طالبلر غزنی شهری مرکزیده اویمه-اوی اوریشنی باشله‌دی
neshananews
10 July 2021غزنی ولایت کېنگاشی رهبری نصیراحمد فقیري غزنی نینگ مرکزي قِسمیده اردو کوچلری و طالبان جنگریلری اۉرته‌سیده قوراللی تۉقنه‌شوولر اهالی یشه‌ش جایلریگه ترقه‌لیب کېتگنینی و طالبلر اویمه-اوی اوریشنی باشله‌گنینی ایتدی.
جناب فقیری بوگون (شنبه ۱۹ سرطان) نشانه خبرآژانسی‌گه غزنی نینگ بیرینچی، ایکّینچی، تۉرتینچی، بېشینچی و آلتینچی حوزه حدودلری حاضرده اردو و طالبان اۉرته‌سیده قوراللی تۉقنه‌شوولرگه گواه بۉله‌یاتگنینی ایتدی.
جناب فقیری نینگ قۉشیمچه قیلیشیچه، طالبان جنگریلری آهالی اویلریگه جای آلگن و اردو کوچلری بیلن تۉقنشماقده. اونینگ قۉشیمچه قیلیشیچه، تۉقنه‌شووده تینچ اهالی‌گه هم تلفات یتکزیلگن. او بوحقده باتفصیل معلومات بېرمه‌دی.
غزنی ولایت کېنگاشی رهبری اوشبو منطقه‌ده جایلشگن خوفسیزلیک کوچلری طالبان جنگریلریگه قرشی کوره‌شه‌یاتگنینی، اما اولرنی مرکزدن قۉللب-قوّتلشگه اېترلیچه اعتبار بېریلمه‌گنلیگینی تأکیدله‌دی.
غزنی شهریده اردو کوچلری و طالبان جنگریلری اۉرته‌سیده قوراللی تۉقنه‌شوو اوج آلگن که ولایت نینگ اوچ تومنی حکومت نظارتی آستیده قالگن.
