غنی

غني: دوحه مذاكره لري كوزگه كورنرلي يوتوق گه ايريشمگن

neshananews

21 November 2020

 افغانستان جمهور ريسي محمد اشرف غني، دولت و طالبان نينگ مذاكره قيلوچي هياتلري ارا جاري صحبت و سوزلشولر حاضرگه قدر يوتوق گه ايريشمگن ديگن.

غني جنابلري اوتكن شام ( جمعه ٣٠ عقرب) افغانستان تينچليك بويچه بيرلشكن ملتلر تشكيلاتي خوفسيزليك كينگاشي ده صحبت ده، خوفسيزليك كينگاشي، افغانستان تينچليك آقيمي دن حمايتي ني كوپيتيريشي لازم ديدي.  غني جنابلري افغانستان تينچليك آقيمي دن جهان جماعه سي و خصوصا خوفسيزليك كينگاشي حمايتي قوللب قوتلنيشي ني بو مذاكره لرده تازه جان بيره دي ديب تاكيدلشكن.

غني جنابلري بيرلشكن ملت لر تشكيلاتي خوفسيزليك كينگاشي تمانيدن صادر ايتيلگن قرارحقيده ديدي بو آلدين كين قرارلر صادر ايتيليشي گه قرگنده طالبان امارتي بو كينگاش نزيده اعتبار و مشروعيتي يوق. شو سبب دن غني جنابلري طالبان و باشقه تروريستي گروه لرگه قرشي خوفسيزليك كينكاشي باسيملريدن افغانستان تينچليك آقيمي گه يقين لشيش مقصديده مثبي فايده لنش لازم ديب ايتي.

جمهور رييس غني شونينگ ديك تروريسم ني بيربيريگه باغليق ترماق اتب بو خلق ارا تهديدگه قرشي كورش اوچون قوشمه است اتيژي گه ضرورت بار ديدي. اونگه كوره افغانستان ده تروريسم ني مغلوب قيليش اوچون تينچليك آقيميده اساسي قانون و دموكراسي گه اساسلنتيريلگن تيزيم سقلنيشي كيرك دير ديب تاكيدلشدي.

جمهور رييس غني ني بو اظهاراتي اونداي بيرحالده اظهار ايتيلگن كه افغانستان نينگ قطر ده دوام ايته ياتكان تينچليك آقيمي دن باخبر منبع لر، ايككي تمان مذاكره لر ايش دستوريني يكونلنتيريش باسقيچيده يقين لشكن ديب فكر بيلديرگنلر. بو ايش دستوريني صادر قيليش اوچون صحبت و سوزلشولر ايككي آي دن بيري قطر پايتختي دوحه ده طالبان و افغانستان دولتي نماينده لري ارا دوام ايتماقده.