غنی: طالبان جنگ میدانیدهگی وضعیت اۉزگرمهگونچه جدّي مذاکرهلرگه تیار اېمس
جمهوررییس محمد اشرف غنی نینگ ایتیشیچه، طالبان، جنگ میدانیدهگی حربي وضعیت اۉزگرمهگونچه جدّي تینچلیک مذاکرهلریگه کیریشمهیدی.
جناب غنی بوگون ( یکشنبه ۱۰ اسد) ارگدهگی بیرمراسمده، یقین آلتی آی ایچیده اوروش حالتینی اۉزگرتیریش اوچون حربي استراتیژي ایشلب چیقیلگنینی ایتدی.
جناب غنی علاوه ایتی، اوشبو دستور دایرهسیده یقین آلتی آیده اوروش حالتی توبدن اۉزگرهدی. اونگه کۉره، طالبان جنگ میدانیدهگی وضعیت اۉزگرمهگونچه تینچلیک مذاکرهلرنی دوام ایتیریشی ده تیار بۉلمهیدی.
جمهوررییس نینگ قۉشیمچه قیلیشیچه، اولویتلر اوشبو استراتیژي دایرهسیده عملگه آشیریلیشی کېرهک و پولیس مهم شهرلر و تومنلر خوفسیزلیگینی سقلشی شرط. اونینگ سۉزلریگه کۉره، اوشبو دستور دایرهسیده برقرارلیک تامین لنیشی عملگه آشیریلهدی.
جناب غنی نینگ ایتیشیچه، افغانستان حاضرده بوتون مملکت بۉیلب هجوم آستیده آلینگن، طالبان، ترورچی گروهلر و تشقریدهگی طرفدارلری، مملکت خوفسیزلیک کوچلریگه قرشی هر کونی ۵۰ دن ۱۵۰ گچه عملیات اۉتکزماقده. اونگه کۉره، آخرگی اوچ ییل ایچیده اوتکن ییللرگه قرگنده طالبان هجوملری کوچهیگن.
جمهوررییسغنی”طالبان افغانستان حدودیگه خلقارا ترورچیلرنی آلیب کیلگن”. جمهوررییس غنی حج و اوقاف وزیرلیگی و عدلیه وزیرلیگی مملکت ده جاري بولگن فتنهنی خلققه توشونتیریشینی خواهلدی.
جناب غنی، طالبان نینگ بو باسقینی طفیلی، عمومي سفربرلیک بۉلهدی و سفربرلیک باشقریلیشی ملي خوفسیزلیک ادارهسی ذمّهسیگه دیر.
طالبان اېسه یقینده هرات، قندهار و هلمند ولایتی مرکزلریگه هجوملرینی کوچهیتیردی. بو هجوملر سیاسي کوچلر نینگ خوفسیزلیک کوچلری بیلن ینهده یقینراق بیرلشیشیگه سبب بولگن.