غنی: طالبان رهبری سیلاولر آرقه‌لی حاکمیتگه اېریشیش اوچون خلق بیلن یوزلشیشی کېره‌ک
neshananews
28 July 2021جمهوررییس محمد اشرف غنی نینگ ایتیشیچه، طالبان رهبری سیاسي حاکمیتگه اېریشیش اوچون سیلاو آرقه‌لی خلق بیلن یوزلشیشی کېره‌ک.
جناب غنی بوگون ( چهارشنبه ۶ اسد ) کابلده بیرلشگن کوزه‌توو و هم‌جهتلیک کېنگاشی نینگ ییغیلیشیده طالبلر فقط حاکمیت اوچون کوره‌شه‌یاتگنینی ایتدی. جناب غنی نینگ تأکیدلشیچه، اوشبو گروه تامانیدن زۉرآورلیک نینگ دوام اېتیشی تروریستی ترماقلرگه اوروشنی دوام اېتتیریش اوچون یۉل آچیب بېرگنینی ایته‌دی. اونینگ سۉزلریگه کۉره، یقینده افغانستانگه اۉن مینگدن آرتیق خارجي جنگچیلر کیریب کېلگن.
جمهوررییس افغانستانده‌گی اوروش نینگ توگه‌شی منطقه‌ده‌گی برچه دولتلر منفعتیگه جواب بېریشینی و منطقوي علاقه دستورینی عملگه آشیریشگه زمینه یره‌تیشینی تأکیدله‌یدی. اونگه کۉره، اگر اوروش دوام اېتسه، افغانستان کېله‌جگیگه امید باغله‌یدیگن میلیونلب اهالی نینگ امیدلری پوچ‌گه چیقه‌دی.
محمد اشرف غنی طالبلر نینگ سۉنگگی یوتوقلریگه اشاره قیلیب، اگر موجود تینچلیک جریانی موفقیتسیز توگه‌سه، افغانستان، سوريه، عراق و لبنان سینگری مذهبلررا نزاعلرگه کیریشیشینی آگاهلنتیره‌دی.
افغانستان و اونگه قۉشنی دولتلرده‌گی ېتتی مهم ترانزیت بندرلری نینگ قوله‌شیگه اشاره قیلیب، جناب غنی اوشبو بندرلر نینگ قوله‌شی بیلن حکومت بودجه‌سی نینگ ۵،۲% قیسقه‌رتیریلگنلیگینی قۉشیمچه قیلدی. اونینگ سۉزلریگه کۉره، شو نینگ اوچون اونینگ حکومتی قۉشیمچه خرجتلرنی تاخته‌تدی و خدمتلرنی کۉرسه‌تیشگه اعتبار قره‌تدی.
عینِ پیتده، بیرلشکن‌ملتللر‌تشکیلاتی نینگ افغانستانده‌گی مخصوص وکیلی دېبورا‌لونز مملکت‌نینگ ېتتی ترانزیت بندرلری نینگ قوله‌شینی قیینچلیک‌لر توغدیرگن دېب تعریفله‌دی.
