غنی و استولتنبرگ صحبتی؛ افغانستانده‌گی خوفسیزلیک بیلن باغلیق وضعیت قیینت و مرکب
neshananews
27 July 2021ناتو باش‌کاتبی ینس‌استولتنبرگ محمد اشرف غنی بیلن تېلفون آرقه‌لی صحبتده افغانستانده‌گی خوفسیزلیک وضعیتینی “قیینت و مرکب” دېب ایتکن.
جناب استولتنبرگ بوگون (سه‌شنبه ۵ اسد) اۉزی نینگ تویتتر-ده‌گی صحیفه‌سیده اوشبو تېلفون صحبتی بوگون توشدن آلدین بۉلیب اۉتگنلیگینی یازگن.
جناب استولتنبرگ جمهوررییس غنی بیلن مملکتده‌گی خوفسیزلیک حالتی و افغانستان نینگ خوفسیزلیک و مدافعه کوچلرینی ناتو قۉللب-قوّتلشی حقیده گپلشگنینی ني تاکیدلشکن.
ناتو باش کاتبی بو توییت‌ده افغانستانده‌گی خوفسیزلیک بیلن باغلیق وضعیتنی قیینت و مرکب دېب تعریفله‌گن. اونینگ سۉزلریگه کۉره، حاضرگی وضعیت تینچلیک مذاکره‌لریگه اساسلنگن سیاسي کېلیشوو آرقه‌لی یخشیلنیشی کېره‌ک.
استولتنبرگ، شونینگدېک، ناتو افغانستان نینگ خوفسیزلیک و مدافعه کوچلرینی قۉللب-قوّتلشده دوام اېتیشینی تأکیدله‌گن.
بو تشکیلات باش کاتبی نینگ سۉزلریگه کۉره، ناتونینگ افغانستانده‌گی ملکی ماموریتی دایره‌سیده کورستیله‌یاتکان یاردم و امکانیتلر افغانستان امنیتی قوتلریگه دوام ایتیب و ناتو افغان حربيلرینی خارج‌ده تعلیم بیریش وظیفه‌سینی بجره‌دی.
اوّل‌راق امریکا جمهوررییسی جوبایدن جمهوررییس غنی بیلن تېلفون آرقه‌لی صحبتده اونینگ مملکتی افغانستان خوفسیزلیک خدمتلرینی قۉللب-قوّتلشده دوام اېتیریشی دن ایشانچ بیرگن‌اېدی.
