غنی و عبدالله امریکاگه جۉنب کېتدی
جمهوررییس لیک سرایی پرزیدنت محمد اشرف غنی و ملي یرهشیش عالي کېنگشی رئیسی عبدالله عبدالله یوقاری درجهدهگی حکومت هیات باشچیلیگیده بولیب آمریکا گه جۉنب کېتگنینی اعلان قیلدی.
“جمهوررییس و ملي یرهشیش عالي کېنگاشی نینگ رئیسی کېچه (۲- سرطان، چهارشنبه) کېچقورون اقشگه تشریف بویوریشدی”، دېب یازگن ارگ خبرنامهسیده. امرالله صالح، محمد حنیف اتمر، حمدالله محب، شهرزاد اکبر و افغانستان حکومتی نینگ مذاکرهلرقیلیوچی گروهی نینگ بیر قطار اعضالری جناب غنی سفرگه همراهلیک قیلیشهدی.
ارگ گه کۉره، جمهوررییس و ملي یرهشیش عالي کېنگاشی رئیسی آمریکا جمهوررییسی جوبایدن، کانگرس اعضالری و امریکا نینگ نفوذلی دولت اربابلری بیلن کابل-واشتنگتن ایکّی تامانلهمه علاقهلری و تینچلیک جریانی بۉییچه علیحده اوچرهشهدیلر.
جمهوررییس و ملي یرهشیش عالي کېنگاشی رئیسی نینگ اوشبو تشریفی امریکا قۉشمه شتاتلری جمهوررییسی جوبایدن نینگ تکلیفی گه بناءً عملگه آشیریلدی. آق اوی بیاناتیگه کۉره، جناب عبدالله و جناب غنی اېرتهگه (۴ سرطان، جمعه) جوبایدن بیلن اوچرهشهدیلر.