جمهوررییسلیک سرایی جمهوررییس محمد اشرف غنی امریکا مرکزي قوماندانلیگی (سنتکام) قوماندانی جنرال مک‌کنزی بیلن افغانستان خوفسیزلیک کوچلری نینگ اولویت‌لری حقیده بحث قیلگنینی اعلان قیلدی.

 ارگ خبرنامسیده یازیلیشیچه، صحبت کېچه‌ ( یکشنبه‌ ۳ اسد) کېچقرون جمهوررییسلیک سراییده بۉلیب اۉتدی.

 ارگ خبرنامه‌سیگه کۉره‌، تامانلر مملکت خوفسیزلیک و مدافعه‌ کوچلری نینگ اولویت‌لرینی محاکمه‌ قیلدیلر.  خبرنامه‌گه کۉره‌، جنرال مک‌کنزی امریکا نینگ افغانستان خوفسیزلیک کوچلرینی قۉللب-قوّتلشی دوام اېتیشیگه وعده‌ بېرگن.

 اوشبو صحبت نینگ باشقه‌ تفصیلاتلری آشکار قیلینمه‌گن.  بو صحبت اونرای بیر حالده بولیب اوتدی‌که امریکا قوراللی کوچلری هفته‌ باشیده قنده‌هار و هلمند ولایتلریده‌گی طالبان موقع‌لرینی بمباردمان قیلگن.

 باشقه‌ تاماندن، ایکّی کون آلدین امریکا مدافعه‌ وزیری افغانستان خوفسیزلیک و مدافعه‌ کوچلری ایشی نینگ اوستوارلیگی تۉغریسیده اوشبو کوچلر یۉقالگن حدودلرنی قَیتریب آلیشگه اورینیشدن آلدین طالبان حرکتینی تاخته‌تیشی کېره‌کلیگینی ایتکندی.