غورولایتی تولک تومنی طالبان قملیده
غورولایتی محلی رسمیلری بو ولایتنینگ تولک تومنی طالبان جنگچیلری تمانیدن اورب آلینگنی دن خبربیرگن. رسمیلر، اگر بو ولایت ده یاردمچی قوتلر جونتیلمسه بو تومن مرکزی طالبان نظارتیگه اوتیشی ممکن دیب ایتکنلر.
تولک تومنحاکمی سلیمانیوسفی نشانه خبرآژانسی بیلن صحبت ده ديدي طالبان اوتکن کیچه ( جمعه ۲۱ جوزا) بو تومنمرکزیگه هجوم اویشتیرگن و اوني نتيجه سیده امنیتی و مردمی قوتلردن ۱۹ کیشی اولدیرلیب و ۱۲ کیشی تن جراحت کورگنی دیب ایتی.
یوسفی جنابلریگه کوره تولک تومنی نيچه هفتهدنبیری طالبان تمانیدن محاصره بولگن و اوروش ۲۴ ساعت دوامیده اولسواللیک بازاری و امنیهقوماندانلیگی گه قرشی دوام ایتماقده.
تولک تومنی محلیرسمیلری اوتکن کیچه یوزبیرگن توقنشولرده طالبانگه هم آعیر تلفات یتکزیلگنی اما تلفاتلر میزانی حقیده بیران نرسه ایتمگنلر.
محلی رسمیلر بو تومن ده کوپراق امنیتی قوتلر جونتیلیشی ني طلب ایتکن. اولرگه کوره اگر بیردم کوچلر بو تومنگه جونتیلمسه بو تومن طالبان نظارتیگه اوتیشی حتمی دیدیلر.
غور ولایتی تولک تومنیده نيچه هفتهدن بیری اوروش اوندای بیرحالده دوام ایتماقده که اوتکن هفته بو ولایتنینگ شهرک تومنینی طالبان تصرفایتدیلر. حاضرچه اوروش فیروزکوه شهری اطرافی دن علاوه غور ولایتیني بیش تومنیده هم دوام ایتماقده