فاریاب خوفسیزلیک مسووللری نینگ خبر بېریشیچه، “اسامه” نامی بیلن تنیلگن قاری حیات‌الله اۉزی نینگ یېتّی جنگچی سی بیلن بیرگه‌ ولایت نینگ پشتون‌کوت تومنیده خوفسیزلیک کوچلری بیلن تۉقنه‌شووده اۉلدیریلگن.

 فاریاب پولیس قوماندانلیگی نینگ سوزچیسی محمد کریم یورش نشانه خبرآژانسی‌گه ایتیشیچه اسامه نامی بیلن تنیلگن قاری حیات‌الله فاریاب ولایتی نینگ اهالیسی اېکنلیگینی ایتدی.  جناب یورش نینگ قۉشیمچه‌ قیلیشیچه، اسامه پاکستانده ایکّی ییلگه یقین حربي تیارگرلیکدن اۉتگن.

 فاریاب پولیس قوماندانلیگی سوزچیسی نینگ سۉزلریگه کۉره‌، اسامه یقینده طالبان تامانیدن قیزیل کوچ و فاریابده‌گی حربي تیارگرلیک بۉییچه‌ گروه باش قوماندانی اېتیب تعیینلنگن.  جناب یورش نینگ سۉزلریگه کۉره‌، اسامه و اونینگ آدملری مملکت خوفسیزلیک و مدافعه‌ کوچلری نینگ قۉشمه‌ عملیاتی نتیجه‌سیده اۉلدیریلگن.

 محمد کریم یورش نینگ تأکیدلشیچه، تۉقنه‌شووده خوفسیزلیک کوچلری ضرر کۉرمه‌گن.  طالبان حاضرچه بوحقده مناسبت بیلدیرمه‌دی.

 عینِ پیتده، طالبلر ایکّی کون آلدین (یکشنبه‌ ۳ اسد) میمنه شهریگه قرته ییتی دیسی توپی اوقینی آتیدیلر نتیجه‌ده بیر باله‌ و ایکّی عیال وفات اېتدی.

 حاضرده حکومت کوچلری و طالبان جنگچیلری اۉرته‌سیده‌گی تۉقنه‌شوولر نینگ اکثری فاریاب ولایتی نینگ پشتون ‌کوت تومنیده‌گی منقطه‌سبز قیشلاغیده بۉلیب اۉتماقده.  اوشبو قیشلاق فاریاب ولایتی مرکزی میمنه شهری یقینیده جایلشگن.