کرونا ویروسی گه نسبتاٌ‌ فاریاب ولایتی یشوچیلری نینگ دقت سیزلیگی، بو ولایت نینگ عامه ساغلیک اداره سی و کرونا ویروسی گه قرشی کورش کمیته سی مسوللرینی تشویش گه سالگن. مسوللرگه کوره نمازاوقوچی لردن توتیب حتی ساغلیک نی سقلش مسوللرهم صحی توصیه لرگه عمل قیلمی دیلر. فاریاب ولایتی عامه ساغلیک اداره سی مسوللری، اگر وضعیت شندای دوام ایتسه، ۲۰ کون دن سونگ بو ولایت ده انسانی فاجعه یوزبیریشی دن اگاهلنتیرماقده لر.
فاریاب ولایتی محلی و ساغلیک نی سقلش مسوللری بوکون یکشنبه ۷ ثور میمنه شهریده بو توغریده یغین اوتکزدیلر. میمنه بلدیه باشلیغی جاوید کیوان بو یغین ده دیدی:« شهرده دوکاندارلر و اهالی قرنطینه شرایطی نی رعایه ایتمی و جاری ایتیلگن چیکلولرگه اعتنا قیلمدیلر.» اونگه کوره حتی بیرقطار شفاکارلرهم معاینه خانه لریده ساغلیک نی سقلش اصول و توصیه لریگه قره می هرکونی ایککی یوزدن کوپراق بیمارنی ویزیت قیله دیلر. بلدیه باشلیغی، بو بیمارلردن کوپراقی فاریاب اولسوال لیک لریدن شهرگه کیلیب و اگر اولردن بیرکیشی سی کرونا ویروسی گه چلینگن بولسه بو ویروس برچه تومن لرده ییرلیشی ممکن دیدی.
فاریاب عامه ساغلیک اداره سی ریسی نعیم مصمم هم بو یغین ده دیدی:« ساغلیک نی سقلش گروه لری میزنی راپوریگه کوره مردم مسجدلرده تراویح نمازی نی ادا قیلیش پیتیده اجتماعی مسافه لرنی رعایه ایتمی دیلر.»او اگر وضعیت شندای دوام ایتسه کیله سی ۲۰ کونگه قدر بو ولایت ده انسانی فاجعه یوزبیریشی دن آگاهلنتیرگن.
فاریاب عامه ساغلیک اداره سی ریسی کرونا ویروسی ییرلیشی آلدینی آلیش و اوندن قوتلیش نی یگانه یولی بوولایت نینگ بوتکل قرنطینه قلیشی اتب میمنه شهردارلیگی، امنیتی مسوللر، مذنی فعاللرو دین عالم لریدن طلب ایتی مردم نی کرونا ویروسی خطریدن اگاه لنتیریب ساغلیک نی سقلش توصیه لرگه عمل فلیش لرینی تاکیدلشکن.
عینی حالده فاریاب ولایت حاکمی مطبوعات مسولی جاوید بیدار نشانه خبرآژانسی بیلن صحبت ده دیدی:« کووید۱۹ ویروسی گه قرشی کورش کمیته سی شدت و جدیت بیلن میمنه شهرینی قرنطینه قلیش اوچون بیرهرتمان له مه دستور اوستیده ایشلش ماقده و بو دستور تیزلیک ده یکونلنیب تطبیق ایتله دی.» او شونینگ دیک علاوه ایتی حاضرکی وضعیت ده و خصوصا ایران دن فاریاب گه ۲۰ مینگ کیشی نی قیتیب کیلیشی گه قرگنده میمنه شهرینی بوتکل قرنطینه قلیشی ناممکن ، لیکن شهر نوبتی طریقه ده قرنطین بولیشی نی اورغولشدی. بو لایجه گه کوره آذوقه ساتوچی دوکانلر و ساغلیک نی سقلش مرکزلری نوبت ده فعالیت قلیش لری نظرده آلینگن.
بیدارجنابلری، فاریاب محلی اداره سی بیرقطار سوداگر و تاجرلر یاردمی بیلن ولایت نینگ اضطرار و فوق العاده حالت لر کمیته سی آرقلی هرکون قشاق و کمبغل عایه لرگه بوغندای، برنچ و یاغ ترماقده دیدی. اونی معلوم قیلیشیچه بوکون ( یکشنبه ۷ ثور) میمنه شهریده ۷۵۰ عایله گه بو یاردم لر ترقتیلگن.
فاریاب عامه ساغلیک مسوللرینی ایتشیچه حاضرگه قدر بو ولایت ده کرونا ویروسی نی یوقتیرگن ۴ مثبت واقعه رویخط ده آلینگن و بو لردن بیر بیمار ساغلگن و اوچ کیشی ایسه کووید ۱۹ شفاخانه سیده سخلنماقده.
کد خبر
فاریاب عامه ساغلیک اداره سی ریسی نعیم مصمم هم بو یغین ده دیدی:« ساغلیک نی سقلش گروه لری میزنی راپوریگه کوره مردم مسجدلرده تراویح نمازی نی ادا قیلیش پیتیده اجتماعی مسافه لرنی رعایه ایتمی دیلر.»او اگر وضعیت شندای دوام ایتسه کیله سی ۲۰ کونگه قدر بو ولایت ده انسانی فاجعه یوزبیریشی دن آگاهلنتیرگن.