فاریاب نینگ پشتونکوت تومنی امام صاحب بازاری طالباندن تازهلندی
فاریاب امنیتی مسوولری نینگ معلوم قیلیشیچه، ولایت نینگ پشتونکوت تومنی امام صاحب بازاری و قطار قیشلاقلر طالبان جنگچیلریدن تازهلنگن.
فاریاب پولیس قوماندانلیگی نینگ مطبوعات سوزچیسی محمد کریم یورش بوگون (۷-سرطان، دوشنبه) نشانه خبرآژانسی بیلن صحبت ده، خوفسیزلیک کوچلری تمانیدن اۉتکزیلگن قۉشمه عملیات نتیجهسیده اوشبو حدود طالبلردن تازهلنگنینی ایتدی.
جناب یورش عملیات دوامیده طالبان جنگچیلریدن سیزکیشی اۉلدیریلگنی و ینه بېش نفری یارهلنگنینی قۉشیمچه قیلدی. عملیات فاریاب نینگ پشتونکوت تومنیده هوا کوچلری حمایهسي بیلن عملگه آشیریلماقده دیب ایدی جناب یورش. اونگه کوره پشتونکوت تومنی امام صاحب حدودی اېنگ مهم و استراتیژییک جایلردن بیری حسابلنهدی.
جناب یورش عملیات دوامیده بیر پولیس اۉلدیریلگنلیگینی تصدیقلهیدی.
فاریاب ولایتی نینگ پشتونکوت تومنی امام صاحب بازاری اۉتگن هفته طالبان جنگچیلری تمانیدن قۉلگه آلینگندی.
فاریاب پولیس قوماندانلیگی رسميلری نینگ ایتیشیچه، تومن مرکزی حکومت نظارتی آستیده دیر..
اوشبو عملیاتده هوا کوچلریدن تشقری مردمی قوتلر، خوفسیزلیک و مدافعه کوچلریگه همراهلیک قیلماقده.
طالبان حاضرچه بوحقده بیران مناسبت بیلدیرمگن.