فاریاب ولایتی امنیتی مسووللریگه کوره طالبان پارتلوچی ماده دن توله بولگن بیر هاموی نقلیه واسطه نی المار تومنی امنیه قوماندانلیگی مقابلی ده پارتلتکن. بو پارتلش نتیجه سیده عادی اهالی، عامه انشاعات و تاسیسات لرگه آغیر تلفات و ضرر زیان یتکزیلگن.

فاریاب ولایتی پولیس سوزچیسی محمدکریم یورش بوکون ( سه شنبه ۲۰ عقرب) نشانه خبرآژانسی بیلن صحبت ده، طالبان جنگچی لریدن بیرگروه اوتکن کیچه ساعت ۱۲ اطرافیده پارتلشوچی ماده دن توله بولگن بو هاموی نی پارتلیش بیلن المار امنیه قوماندان لیگی بناسیگه کیریش گه سعی قیلدی لر. یورش جنابلری اما پولیس قوتلری اولرنینگ امنیه قوماندان لیگی گه کیریش دن منع ایتیب و ایککی تمان ارا توقنشو ایرته لب گه چه دوام ایتی.

فاریاب پولیس سوزچیسی بو پارتلش نتیجه سیده عادی هالی و امنیه قوماندان لیگی یقینیده جایلشکن اهالی اویلریشوچیلریگه تلفات یتکزیلگن دیب حاضرگه قدر تلفات انیق رقمی معلوم ایمس لیکن اون دن کوپراق کیشی بو واقعه دن اوزجان لرینی قولدن بیریب یاره لنگن دیب ایتی. یورش جنابلری بو پارتلش اوته کوچلی بولگنی نی ایتیب حتی اونی عاقبتیده منطقه ده‌گی کوپلب اوی لر، مسجد و مکتب بنالری اویلگن دیدی.

بونگه علاوه اوتکن کیچه ایککی تمان ارا یوز بیرگن توقنشو نتیجه سیده امنیتی قوتلرنینگ تورت عسکری اوز جان لرینی قولدن بیریب و بیش عسکر هم یاره لنگن.

اما طالبان حاضرگه قدر بو باره بیران خبر نشر ایتمگن.

افغانستان دولتی و طالبان گروهی مذاکره قیلوچی گروه لری ارا قطر ده صلح مذاکره لری دوام ایتیب باریشی بیلن عینی حالده بو گروه نینگ هجوملری مملکت نینگ تورلی ولایت لریدن کوپیب بارماقده.