فاریاب ولایتی نینگ اندخوی و خانچهارباغ تومنلری ینه حکومت نظارتی آستیگه اۉتدی
فاریاب ولایتی خوفسیزلیک خادملری نینگ تأکیدلشیچه، ولایت نینگ اندخوی و خانچهارباغ تومنلری مملکت خوفسیزلیک و مدافعه کوچلری تمانیدن تصرف ایتیلگنی ایتکن. تومنلر ایکّی کون آلدین حکومت کوچلری نظارتیدن چیقیب، طالبان قۉلیگه اۉتگندی.
فاریاب پولیس قوماندانلیگی نینگ مطبوعات کاتبی محمد کریم یورش بوگون (۲ سرطان، شنبه) نشانه خبرآژانسی بیلن صحبت ده،کېچه کېچقورون ایکّی تومن خوفسیزلیک و مدافعه کوچلری تامانیدن قَیته آلینگنی دن خبربیردی. جناب یورش امنیتی قوتلرنینگ هوا و ییردهگی عملیاتیدن سۉنگ ایکّی تومن طالبان جنگریلریدن آزاد قیلینگنلیگینی قۉشیمچه قیلدی. اونینگ تأکیدلشیچه، خوفسیزلیک کوچلری عملیات دوامیده اندخوی نینگ تۉرتته تومنیدهگی اوچته اساسي حدودنی طالبان جنگریلریدن تازهلشگن.
خانچهرباغ تومنی جناب یورش نینگ سۉزلریگه کۉره، آقینه بندریدن اندخویگهچه و اندخوی تومنی مرکزیگه بارهدیگن یۉل طالبان جنگچیلریدن تۉلیق تازهلنگن. فاریاب پولیس قوماندانلیگی سوزچیسی طالبان جنگریلریگه کتّه تلفات یتکزیلگنینی قۉشیمچه قیلدی. او قربانلر سانی حقیده باتفصیل معلومات بېرمهدی. جناب یورش اوشبو عملیاتده مملکت خوفسیزلیگی و مدافعه کوچلریگه ضرر اېتکزیلمهگنلیگینی تأکیدلهماقده.
جوزجان ولایت حاکمی نینگ عامهوي اخبارات بولیمی، مارشال عبدالرشید دۉستم نینگ اۉغلی یار محمد دۉستم نینگ هم جوزجان حاکمی بیلن بیرگه اندخویدهگی حربی عملیاتده اشتراک اېتگنلیگینی خبر قیلماقده.
فاریاب نینگ اندخوی تومنی جوزجان ولایتی نینگ یانیده جایلشگن. کېچه اندخوی تومنیده حکومت کوچلری و طالبان جنگریلری اۉرتهسیده تۉقنهشوولر دوم ایتکنی حقیده خبرلر بیریلگندی.