یازووچی: عبدالجلیل سروش

فاطمه محمدی و طیبه موسوی  تحصیل لری یکونلنیشی بیلن تیاتر صحنه سیده نمایش کورسه تیش خیالینی فکرلریگه سورگن  یاش قیزلردن ایدیلر. لیکن اوروش اوتی، بو ایکی افغان فلم خادمی نینگ رویا لری سینما پرده سیده چیقمسدن آلدین توپراققه کومدیردی.

افغان فلم اداره سی مسووللری نینگ ایتیشیچه،  بو ریاست ایشلاوچی لریدن بولگن فاطمه محمدی و طیبه موسوی، شنبه کونی توشدن کیین ساعت۲:۰۰ (۲۲ جوزا)  اویگه قه‌یتیش نیتیده افغان فلم اداره سینی ترک قیلگن لر. اویلری  دشت برچی منطقه سیده بولیب؛ بو منطقه عموما هزاره لردن تشکیل تاپیب و سونگی کونلرده ریجه‌لنگن تروریستی هجوم لرگه گواه بولگن.

کابل یشاوچیلری اینیقسه بو منطقه ده حیات کیچیره دیگن اهالی، کونده‌لیک تروریستی حادثه لرگه نشان‌گه توتیلیش‌دن خواطرده لر. فاطمه و طیبه نینگ افغان فلم ده گی  همکسب لری هم بو خواطرلردن آگاه ایدیلر.

فاطمه و طیبه نینگ اویگه قیتیشی دن ایکی ساعت کیین،  افغان فلم ریسی صحرا کریمی  کابل نینگ غربیده ایکی ایری پارتلش یوز بیرگنی خبرینی ایشیتگن. بو خبر خانم کریمی نی خواطرلنتیره دی؛ چونکه بو ایکی پارتلش مسافر تاشیوچی موترلرنی نشان‌گه توتکن و خانم کریمی  فاطمه و طیبه لینی موتر لر دن فایده نلیب  اویلریگه کیتیشلریدن خبردار ایدی.

صحرا کریمی  ایککی خادمی فاطمه و طییبه لر اویلریگه ساغ و سلامت ایتیب بارگنلریدن آگاه بولیش اوچون اولرنینگ عایله لریگه تیلفون قیله دی.  بیرا ق عایله لریدن منفی جواب قولگه کیلتیره دی. بو ایکی یاش قیز نینگ عایله لری  خانم کریمی گه فاطمه و طیبه هلیگچه اویگه قیتمه گنلرینی ایته دیلر.

فاطمه و طیبه نینگ اویگه قیتمه گن لیکلری خانم کریمی نینگ خواطر لرینی تاباره کوچیتیره دی؛ چونکه اولر ایکی ساعات آلدین افغان فلم اداره سینی ترک قیلگن ایدیلر.

افغان فلم باشلیغی  نشانه خبر آژانسی گه  ایتیشیچه، فاطمه و طیبه نینگ بیر قطار عایله اعضا لری  بیلن  کابلده بو ایککی پارتله ش قربانی لری نینگ میزبانلیگی نی قیلگن   بیرقطار کسلخانه لرنی قیدیریب چیقه دیلر؛ بو  پارتلشلر  عاقبتیده ۷ کیشی قربان بولگن و ۶ کیشی ایسه تن جراحت کوترگن دیر.

قویاش باتیش چاغی  ییتیب کیلگن ، اما بو ایکی یاش قیز نینگ عایله لری  فاطمه و طیبه لر نینگ عمر قویاشی اله قچان باتگنینی ایشانمس ایدیلر ….

عدلی طب جسد لرنی سقله ش محلی دیر. بو آدرس ایسه ایکی یاش سینماچی عایه لری نینگ قیدیره دیگن سونگی آدرسی دیر، عدلی طب مرکزی اولرگه  جسد لر انیق له نیشی اوچون ایرته گچه کوتیش لرینی سوره یدیلر.

کیچه تانگ آته دی. ۲۳ جوزا یکشنبه کونی ایرته لب صحرا کریمی و فاطمه و طیبه عایله اعضالری  عدلی طب ریاستی گه مراجعت قیله دیلر؛ بومحل باشقه کونلردن کوره کوپراق گوجوم دیر. اولر ساعت لر کوتیش دن سونگ سیویملی فرزندلری بو ایککی پارتله ش دن بیریده قربان بولگنیلرینی بیلیب آله دیلر. اولر فاطمه و طیبه  نینگ جسد لرینی تاپیب آله دیلر.

ایککی یاش و تویغولی سینماچی

صحرا کریمی، فاطمه محمدی و طیبه موسوی نینگ افغان فلم ریاستیده ایشچی‌سی اوله راق قبول قیلینیشی ماجرالی دیب او نینگ معلوم قیلیشیچه بو ایکی تعلیم‌کورگن یاش اوچون ینگی فرصت یره تیلگن ایدی. بو یاشلر نینگ افغان فلم ریاستیده ایشگه آلینیشی بو ریاست بیر قطار ایشلاوچی لری نینگ نفرت لریگه دوچ کیلگندی.

کریمی خانم نینگ سوز لریگه کوره، اوشبو ایکی یاش نینگ ایش گه قبول قیلینیشی دن ایکی آی اوتمه گن. بولر تیاتر و انیمیشن توزه تیش بوییچه تعلیم آلگن لردی و مملکت سینماسی نینگ یوکسلیشی اوچون بویوک رویا لری بولگندی.

فاطمه محمدی و طیبه موسوی  اداری اصلاحات کمیسونی تمانیدن  افغان فلم اداره سیده یول تاپگن دیلر. افغان فلم ریسی نینگ معلوم قیلیشیچه حاضر افغانستان تشقریسیده یشه گن افغان فلم ریاستی نینگ  بیر قطار خادم لری او نینگ مذکور ریاست ده هزاره لرنی ییرلشتیریشی گه عیب له گن ایدیلر . بو کونلرده تشلب کیتیلگن گدام نی فلم تماشاسی زمانوی سالونی گه اوزگرتیرگن افغان‌فلم ریاستی افغانستان سینماسی نی قیته دن جانلنتیریش سعی و حرکتی اوج‌آلگن اما اوروش و تروریستی هجوم لرنی دوام ایتیشیدن تشقری اولکه نینگ ترقیاتی گه بویوک توسیق بولگن قومی نفرت بو مملکت ده آسایشته لیک و ترقییات  تمان یول آلیشی گه توسیق بولگن.

ریجه‌لنگن پارتلش‌لر

کابل غربی کوپراق هزاره قوم لر یشه‌ب کیلگن بیر منطقه بولیب  بیر مدت دن بویان  قطار هجوم لرگه گواه بولماقده.

بوندن آلدین دشت برچی نینگ سیدالشهدا قیز لر مکتبی هم  کوچلی پارتلش  شاهدی بولگن ایدی. بو حادثه ده ۱۰۰ اوقووچی حیاتینی قولدن بیریب و ۱۵۰ کیشی ایسه تن جراحت کوتارگندی. اوتگن ییل قیش موسومیده هم  موعود و کوثر دانش بیلیم مرکزلری عینا شو  منطقه ده نشانگه آلینگندی. بوندن آلدین هم قورالی داعش گروهی بو منطقه ده  قونیم  تاپگن بیر توغروق خانه اوستیگه هجوم قیلیب اونلرچه باله و آنه نینگ حیاتی گه ضامن بولگن ایدی.

بو هجوم لرنینگ آرقه سیده قیسی گروه بولگن لیگی هلیگچه انیق ایمس، اما  کابل  غربی یشاووچیلری کون اوتیشی بیلن خوفسیزلیک وضعیتی یمانلشگن لیگی دن کوپراق خواطرده لر. بیر قطار تانیقلی شخصیت لر جمله دن مملکت ایسکی خوفسیزلیک اداره سی نینگ ریسی رحمت الله نبیل افغانستان قومی گروه لر– مذهبی هزاره –  شیعه لریگه قره تیلگن ریجه‌لنگن هجوم لرنی یولگه قوییلیشی دن حیرت گه قالگنینی آچیق لگن ایدی.

نبیل جنابلری  سونگی پیتلرده یازگن بیر مقاله سیده  ادعا قیلیشیچه، پاکستان استخباراتی ای.اس.آی بو اوروش لرنی افغانستانده  قومی و دینی ضدیت لرنی کوچیتیریش مقصدیده عملگه آشیره دی.

افغانستانده هزاره – شیعه لرگه قرشی دوام ایته یاتگن هجوم لر بو کونلرده اجتماعی ترماق تویتر ده «هزاره لرنی اولدیریش نی توخته تینگ» عنوانی آستیده کمپاین یولگه تشله‌ب بو کمپاین ده قتنه شگن لر هزاره – شیعه لرگه قره تیلگن غرضلی حادثه لر کابل و مملکت نینگ ایریم منطقه لریده (سوی قیریم)  نسل کش لیک حکایه سی دیب توشینه دیلر.

اولر دولت و بیرلشگن مللتلر تشکیلاتی دن بوکبی حادثه لرنی نسل کش لیک دیب رسمی  رویخط گه اوتکزیلیشینی ایسته گنلر. افغانستان دولتی هلیگچه بو کمپاین حقیده مثبت جواب بیرمه گن.