فراه ولايتي امنيتي مسوللري ني ايتيشيچه طالبان نينگ بو تنيقلي قومانداني بوگروه نينگ ايككي جنگچي سي بيلن بيرگه اولديريلگن.

فراه ولايتي امنيه قوماندان ليگي سوزچي سي محب الله محب اوتكني كوني (جمعه ٢٢ حمل) پوليس قوتلري، طالبان نينگ لاش جوين تومني نينگ “پنج ده” قشلاقي ده اوتكزيله ياتكان يغيني ده هجوم اويشتيريب بوهجوم عاقبتيده طالبان گروهي نينگ بو منطقه ده گي تنيقلي قومانداني ملا نوراحمد ايككي باشقه جنگچي بيلن بيرگه اولديريلگن ديدي.محب جنالري بو توقنشده پوليس قوتلريگه هيچقنداي صدمه يتكزيلمگن ديدي.

فراه پوليسي شونينگ ديك پوليس نينگ بو عملياتيده طالبان نينگ نيچه قورال يراقي و بير قطار مهماتي پوليس قولگه توشكن ديب ايتي.طالبان گروهي حاضرگه قدر بو خبرگه بيران مناسبت كورستمگن.

لاش جوين تومني فراه مركزيدن ٩٠ كيلومتر مسافه سي بار و ايران بيلن قوشمه چيگره گه ايگه.  بو اولسوال ليك ني ايريم حدودلري طالبان نظارتي آستيده دير.