بدخشان ولایتی ده بوندن آلدین قول صناعتی و سمارق ایشلب چیقاریش بویچه فعالیت قیله یاتکان بیرقطار عیاللر، مملکت ده کرونا ویروسی ییرلگندن سونگ ماسک ایشلب چیقارماقده لر. بوعیاللر بو ایش دن مقصدلری بازارده ماسک کمچیلیگی نی تامین لش بولگنی نی اتب اولرایشلب چیقاره یاتکان ماسک لر چیت دن وارد بوله یاتکان ماسک لردن کوره کیفیت لی و ارزان ایکنی نی اورغولشماقده لر.

بو تشبث نی بدخشان ده « بانو موسسه سی » رهبرلیک قیلماقده. بو موسسه مسولی ضیاگل عالمی دیدی:«بازارده ماسک بها سی کوتاریلگنی و اکثر داروخانه لرده ماسک کمچیلیگی دن سونگ، بیز بازارده ماسک گه بولگن ضرورتلرنی تامین لش اوچون بیرکارخانه آچیش گه قرارآلدیک.» ضیاگل خانم علاوه ایتی بیزماسک قندای ایشلب چیقاریلیشی نی انترنت ارقلی اورگنیب و حاضر بیرقطار بدخشان لیک عیاللر بیلن بیرگه صفت لی ماسک لرنی ایشلب چیقاریب مناست نرخ ده بازارگه ساتماقده میز.

بانو موسسه سی بوندن آلدین قول صناعتی و سمارق پرورشی بویچه فعالیت قیلردی اما حاضرایسه بازارطلبی گه موافق ماسک ایشلب چیقاریش ده یوزتوتکن. بو موسسه مسولی هر بیرماسک نی ایشلب چیقاریلیشی بیش افغانی خراجت کوتاریشی نی ایتیب و بو موسسه بیردانه ماسک نی بازارگه اون افغانی ساتیشی نی ایتی. خانم ضیاگل دیدی:« خارجی ماسک لر بیرمرته استفاده بولیش دن تشقری نرخی هم بلند دیر و قیته تعقیم هم بولمی دی، اما بیز ایشلب چیقاره یاتکان ماسک لرهم ارزان دیر و هم هربار استفاده بولگن دن سونگ یوییلیب اوتو بولگن دن کین قیته استفاده بوله آله دی.»

خانم ضیاگل علاوه ایتی اوتکن بیر هفته جریانیده او و همکسب لری بانو موسسه سیده بیش مینگ دانه ماسک ایشلب چیقاریب بازارگه ساتکن لر. او، حاضرچه ماسک تیارلش اوچون خام اشیا معماسیگه دچار میز دیب اگر بیزدن حمایت بولسه و مناسب خام اشیا قولگه کیرته آلسک افغانستان شمالی ده جایلشکن ولایت لرنی ماسک گه بولگن ضرورتلرینی تامین لشده قادرمیز دیدی. او، حاضرچه بیرقطار دولتی و نادولت اداره لرو فیض آباد شهری یشوجی لربیز ایشلب چیقارگن ماسک لرنی خریدارلری دیردیب ایتی.

بانو موسسه سییده حاضرچه ۱۵ عیال ایشله ماقده. ماه جبین بو موسسه ایشچی لریدن بیری دیر .او دیدی بیز بو ماسک لرنی ایشلب چیقاریش بیلن بیرتماندن مردم گه خذمت کورسته میز و باشقه تماندن عایله میز اقتصادی نی دستکلیمیز. ماه جبین بوایشی دن راضی ایکنی نی ایتیب اگر کیرک بولگن خام اشیا مهیا بولسه مین اوزیم بیرکونده ۱۰۰ ماسک تیارلیش گه قادر من دیدی.

عینی حالده بدخشان ولایتی عیاللرایشلری بویچه اداره سی بانو موسسه سی نینگ بو تشبثی نی آلیقشلشگن. بدخشان عیاللرایشلری اداره سی ریسی آلینا غیاثی نشانه خبرآژانسی بیلن صحبت ده دیدی، بو موسسه ایشلب چیقاراتکان ماسک لرنی طبی متخصص لرنظری آستیده و اکتید موسسه حمایتی بیلن دوام ایترماقده.اونی ایتیشیچه اکتید موسسه سی نینگ طبی متخصص لری ماسک توزتیش اوچون معیاری متاع نی سایلش ده و صفت لی ماسک ایشلب چیقاریلیشی ده بانو موسسه بیلن همکاردیر.

غیاثی خانم تاکیدلشدی، اکتید موسسه سی بو عیاللر ایشلب چیقاره یاتکان ماسک لرنی ساتیب الیش و بازارگه ساتیش نی وعده قیلگن دیدی. اونگه کوره بانو موسسه سی بیرهفته ده ۱۰ مینگ ماسک ایشلب چیقارگن که بیش مینگ دانه بدخشان ده و بیش مینگ دانه نی هم تخارولایتی گه ساتیلگن.

بدخشان عیاللرایشلری اداره سی ریسی عینی دمده خیاط لیک مهارتی گه ایگه بولگن قشاق عیاللرنی رویخط ده آلیش پروسه سی باشلنگنی دن خبربیریب بوعیاللر ماسک ایشلب چیقاریش ده ایشگه آلینه دیلر دیدی. اونگه کوره بدخشان محلی حکومتی هم بانو موسسه سیدن بیرمیلیون دانه ماسک ساتیب آلیب اونی بدخشان مرکزی و اولسوال لیک لری اهالی سیگه تیکن ترقتیش نی وعده قیلگن.

مملکت ده کرونا ویروسی ییرلیشی دن سونگ ماسک و ساغلیک نی سخلش اشیالرنرخی بازارده کوزگه کورنرلیچه کوتاریلدی و حتی بدخشان و باشقه بیرقطار ولایت لر، ماسک و ساغلیک نی سخلش اشیالری کمچیلیگی گه یوزمه یوز بولدی لر. ماسک نرخی نه فقط بدخشان ده بلکه کابل، هرات، بلخ و ننگرهارولایت لریده کوزگه کورنرلیچه کوتاریلدی. کابل ده کرونا ویروسی ییرلیش دن آلدین بیردانه ماسک نرخی ایککی افغانی ایدی اما حاضر ایگرمه افغانی گه یتیب بارگن و ایریم حالت لرده هم ماسک اکثر دارو خانه لرده تاپیلمیدی.

بونگه قره مسدن بانو موسسه سی  و بدخشان عیاللرایشلری اداره سی مسوللری، بدخشان ده بیرقطارعیاللرنی ایش گه آلیش بیلن ماسک ایشلب چیقاریش پروسه سی نی تیزلشتیریب بدخشان ده بازار طلبی نی تامین لشدن علاوه،   کرونا ویروسی ییرلیشی گه قرشی کورش نی آلغه سوریش ده قرار آلینگنی تاکیدلشکنلر.