قندهارولایتی پولیس گه کوره طالبان گروهی نینگ بو ولایت نینگ میانشین تومنی گه قرشی هجومی ده بو گروه نینگ ۶ جنگچی سی اولدیریلگن و ۷ جنگجی سی هم یاره لنگن.

قندهار ولایت حاکم لیگی بوکون ( یکشنبه ۶ میزان ) نشر ایتکن خبرنامه سیده  طالبان گروهی جنگچی لری اوتکن کونی کیچقرون میانشین تومنی پولیسی گه تیگیشلی بولگن ۷ و ۸ نچی پوسته لرگه قرشی هجوم اویشتیرگندن سونگ ایککی تمان ارا توقنشو یوزبیرگنی و ملی پولیس قوتلری مقاومتی سبب هجومچی لر تلفات کورگندن سونگ ساحه نی ترک ایتکنی تاکیدلنگن.

طالبان گروهی حاضرگه قدر بو باره بیران نرسه ایتمگن.

طالبان گروهی نینگ ملی پولیس و ملی اردو قوتلریگه قرشی هجوملری اوندای بیرحالده کوپیب بارماقده که افغانستان دولتی و طالبان گروهی ارا یوزمه یوز مذاکره لر دوحه ده دوام ایتماقده. ایککی هلی هم بو مذاکره لرنینگ ایش طریقه سی نی یکونلتیریش حقیده صحبت و بحثلرنی دوام ایتیرماقده لر.