قندهارده یوز بېرگن پارتلش، ایکّی تینچ اهالیدن جان آلدی
قندهار ولایتیدهگی محلي رسميلر قندههار شهر مرکزیده یوزبیرگن پارتلشده کمیده ایکّی تینچ اهالی دن جان آلگنی ني تصدیقلشدی.
قندهار پولیس قوماندانلیگی مطبوعات کاتبی جمال ناصر بارکزی نشانه خبرآژانسی گه پارتلش بوگون (شنبه ۱۹ سرطان) اېرتهلب ساعت ۰۹:۳۰ اطرافیده قندههار شهری نینگ بېشینچی خوفسیزلیک ناحیهسیده صادر بۉلگنلیگینی ایتدی.
جناب بارکزی نینگ قۉشیمچه قیلیشیچه، پارتلشده ایکّی تینچ فقرا هلاک بۉلگن و ینه اوچ کیشی یارهلنگن. اونگه کۉره، پارتلش قندههار ولایتی نینگ دَامان تومن حاکمی پیرمحمد نقلیه واسطهلری کاروانیني نشانگه آلگن.
قندههار ولایتی پولیس نینگ سوزچیسی پارتلش نینگ ماهیتی حقیده باتفصیل معلومات بېرمهدی.
هېچ بیر گروه پارتلش اوچون مسوولیتنی اۉز ذمّهسیگه آلمهگن. اېسلهتیب اۉتمیز، خودّی شوندهی پارتلش بوگون اېرتهلب کابلده هم صادر بۉلدی. پارتلش عاقبتیده کمیده ایکّی کیشی هلاک بۉلیب و تۉرت کیشی جراحت آلدی.