قندهار ده طالبان نينگ تورت قومانداني داخل ٢٥ جنگچي سي اولديريلدي
اتل٢٠٥ قول اردوسيگه كوره طالبان نينك تورت محلي قومانداني داخل ٢٥ جنگچي سي ملي اردونينگ بير مدافعوي عملياتي نتيجه سيده اولديرگن.
اتل قول اردوسي بوكون (يكشنبه ١٨ عقرب) نشر ايتكن خبرنامه سيده ايتكن:” طالبان نينگ ارغنداب، پنجوايي و شاولي كوت تومنلريد ه گي قوماندان لري ملا قاسم، ملا سفر محمد، ملاشاولي و ملا سراجي اوتكن كيچه ملي اردونينگ مدافعوي عملياتي نتيجه سيده اولديريلگن.”
خبرنامه بو قوماندانلردن علاوه بو گروه ني ٢٠ جنگچي سي هم بو عمليات ده قندهار ولايتي تورلي تومنلريده اولديريلگني دن خبر بيرگن. بو خبرنامه گه كوره بو عمليات ده طالبان نينگ آلتي جنگچي سي هم ياره لنگن و عمليات نتيجه سيده بوگروه جنگچي لريگه تعلق لي بير مقدار قورال يراق و مهمات اردو قوتلري قوليگه توشكن.
سونگي كونلرده طالبان جنگچي لري هلمند، قندهار و ارزگان ولايت لريده هجوملريني شدت بيرگنديلر. بو هجوم لر آرتيدن يوزلب عايله اوز اوي جاي لريدن آواره بولگن.