قندهار ده مقصدگه يتمگن موتر بمب پارلشي ده ملي اردو نينگ ايككي عسكري ياره لندي
neshananews
07 October 2020٢٠٥ نچي اتل قول اردوسي قوماندان ليگي ، قندهار ولايتيد پارتلوچي ماده جايلشتيريلگن بير موتر مقدمه يتيب باريشي دن آلدين امنيتي قوتلر تمانيدن تانيليب و پارتلني دن دن بيگيرن
اتل قول اردو سي بوكون (چهارشنبه ١٦ ميزان) نشر ايتكن خبرنامه سيده بو واقعه بوكون ايرته لب ساعت .٣٠ دقيقه ده قندهار ولايتي معروف تومني ده ملي اردو قوتلري بير قرارگاهي يقيني يوز بيرگن ديب ايتكن.
خبرنامه ده يازيليشيچه پارتلوچي ماده دن توله بولگن بو موتر ده گي انتحاري شخص
مقصدگه يتيب باريشي دن آلدين امنيتي قوتلر تمانيدن نشان گه توتيليب نابود بولگن. خبرنامه گه كوره بو موتر بمب پارتلگنی نتيجه سيده يالغيز ملي اردو نينگ ايككي عسكري آزگينه ياره لنگن.
بو واقعه اونداي بير حالده يوزبيرگن كه ايككي پارتلش واقعه هم بلخ و كاپيسا ولايت لريده يوز بيريب بيش عادي اهالي دن جان آلگن. بونگه فقط ايككي كون آلدين ننگرهار ولايت ده يوز بيرگن موتر بمب قانلي واقعه ١٤ عادي اهالي دن جان آلگندي. امنيت مقاملر بو هجوملر مسولي طالبان گروهي ايكني ني ايتكن. اما طالبان حاضرگه قدر بو باره ده بیران نرسه ایتمگن.
