دادگاه لاهه

كابل، لاهه خلق ارا محكمه سيدن افغانستان توپراقيده اوروش جنايتلريني تيكشيريشي ني طلب ايتكن

neshananews

09 May 2021

تشقي ايشلر وزيرليگي، افغانستان تشقي ايشلر وزيري محمدحنيف اتمر لاهه خلق ارا محكمه سي قاره لوچي سي بيلن صحبتلشكني دن خبر بيردي. افغانستان دولتي، لاهه خلق ارا محكمه سيدن، بو مملكت عدلي و قضايي ارگانلري تيكشيريش دن عاجز قالگن دوسيه لرني كورب چيقيش ني طلب ايتكن.
تشقي ايشلر وزيرليگي بوكون( يكشنبه ١٩ ثور) بير خبرنامه نشر ايتيب بو صحبت اوتكن كوني هالند پايتختي لاهه شهريده اوتكزيلگني دن خبر بيرگن. بو وزيرليك خبرنامه سيده، ايككي تمان بو اوچرشوده لاهه خلق ارا محكمه سي افغانستان عدلي وقضايي ارگانلري بيلن تخنيكي همكارليك لر بويحه هم سوزلشكني ذكر ايتيلگن.
تشقي ايشلر وزيرليگي خبرنامه سيده بو صحبت ده اتمر جنابلري افغانستان حدويده يوزبيرگن جناياتلر توغري سيده و افغانستان عدلي و قضايي اداره لري اوني ايزلشي دن عاجز قالگن دوسيه لر باره سيده لاهه خلق ارا محكمه سي اره لشيشي ني طلب ايتكن.
عيني حالده لاهه خلق ارا محكمه سي ملي بيرليك دولت اشكيل ايتيلگني ايلك كونلريده افغانستان ده يوز بيرگن جنايت لرني تيكشيريشي ني وعده قيلگندي، بوني آرتيدن بو محكمه باش قاضي سي امريكا دولتي تمانيدن تحريم بولدي و لاهه محكمه سي نينگ جزايي بوليمي افغانستان يوز بيركن جنايتلرني تيكشيريش ايشي ني معطل قيلدي.