انفجار در مسجد

كابل شماليده بيرمسجدگه اويشتيريلگن هجوم مسوليتي ني داعش اوز بوينگه آلدي

neshananews

16 May 2021

اسلامي دولت گروهي خراسان قناتي ( داعش) بو گروه گه تيگيشلي جنگچيلر ايككي كون آلدين كابل شماليده جايلشكن شكردره تومنيده بير مسجدگه قرشي اويشتيريلگن هجوم مسوليتي ني اوز بوينيگه آلگني ني اعلان ايتكن.
بو گروه تمانيدن نشر ايتيلگن خبرنامه ده بو هجوم ده مسجد ملا امامي و بير قطار نماز اوقوچيلر نشان گه توتيلگني ايتيلگن. خبرنامه گه كوره بو پارتلش هجومده اينگ آز اون كيشي اوز جانلريني قولدن بيريب و ٤٠ كيشي هم تن جراحت آلگن.
بو هجوم ايككي كون آلدين كابل ولايتي شكردره تومني نينگ حاجي بخشي قشلاقيده يوزبيردي. امنيتي اداره لر معلوماتيگه كوره بو پارتلش ده بير دين عالمي داخل ١٢ كيشي اولديرليب و ١٥ كيشي هم ياره لنگن.
بو پارتلش هجوم اونداي بيرحالده يوز بيردي كه كه دولت و طالبان رمضان هيت كونلريده مملكت بويلب آتش كيسيم اعلان ايتكنديلر.