كرونا ويروسي گه قرشي كورشده اهالي نينگ كوزگه كورنرلي حصه سي؛ ٢٠٠ دوكان ايگه سي حمل آيي كريه سيني بغيشلدي
neshananews
27 March 2020هرات ده كرونا ويروسي تاباره ييريليشي بيلن، بوشهر اهالي سي ارا مهربانليك كولمي هم كينگي ماقده. بيرگروه، بيمارلرگه ميوه ساوغه بيردي، بعضي لر هم كرونا ويروسي حقيده اهالي گه معلومات يتكزيش ده حركت قيلگن و بيرقطار فعاللر هم اهالي ياردملريني يغيب شهرنينگ قشاق يشوچي لريگه ساغليك ني سخلش جمله دن صابون ترقتديلر و بو سلسله حاضرچه رواجلنيب كوچيب بارماقده.
نيچه وقت آلدين ايلك بار ١٢ دوكان ايگه سي ٤٥٠ مينگ افغاني گه تينگ دوكانلري كرايه سي بغيشلب دوكاندارار بازاري كساد بولگني سبب كرايه توله آلمسليك دن قينلمسين لر ديب اعلان ايتكندي.
اما هرات ده حاجي محمد داود عادليار ناملي ينه بير خيير شخص هم فردوس پلازا و آسيا ماركيتي ده گي اينگ آز ٢٠٠ دوكاني نينگ حمل آيي كرايه سيني بير اميد لنتيروچي حركت آرقلي دوكاندارلرگه بغيشلشكن.
بو دوكانلرني بيرآي ليك كرايه سي توپلم ٢٥ مينگ دالرگه تينگ دير. عادليار جنابلري ديدي هرات برچه يشوچي لري كرونا ويروسي گه قرشي كورش ده حصه قوشيشلري شرط بولگنده مين هم حمل آيي كرايه سيني دوكاندارلرگه بغيشلش گه قرار آلديم و اگر وضعيت شونقه دوام ايتسه بو قراريم ني جوزيشيم ممكن.
عادليار جنابلريگه كوره عموما بو دوكانلرده عياللر كيمي، زينتي اشيالر، مجلسي اياغ كيملر ساتيلردي، برچه تالارلر تعطيل بولگني و توي و تماشالر اوتكزيلمگني سبب بازارلر بوتكل كسادگه اوچرگن ديب ايتي.
اونگه كوره نه فقط دوكانلري كرايه سيني بغيشلگن بلكه اهالي گه صابون و ساغليك ني سخلش اشيالر ترقتيش ده فرزندلريم گه وظيفه بيرديم ديدي.
او، حاضرگي آغير احوال ده بو وضعيت دن چيقيش ني يگانه يولي بيرليرميزگه ياردم يتكزيش و همشهري لري ميز قولي ني توتيش دير ديب اورغولشدي. عايله ملك و جايدادلريني باشقره ياتگان عادليارجناب لري نينگ كتته فرزندي، آته سي توصيه سيگه اساسا” حاضرگي آغير احوال دوام تاپكن تقديرده، باشقه بير قطار جايدادلريني كه نيچه ماركيت دن عبارت دير حمل آيي كرايه سيني بغيشلش گه قرار آله ميز ديب سوز بيردي.
او آتم آلگن قراردن حمايت ايته من ديب يقين كيله جكده صابون وساغليك ني سخلش اشيالرني بازار اليب حاجتمند عايله لرگه ترقتيش ني باشلي ميز ديدي. بو عايله نينگ قراري بو ماركيت لر دوكاندارلر و ايريم اهالي تمانيدن قيزيق آليقشلنگن.
هرات يشوچي سي هادي رسولي بو خبرني تينگلب حقيقت ايكني دن باخبر بولگن دن سونگ عادليارجنابلري و عايله سيگه سلامتليك و موفقيت آرزو قيلديم ديدي.
اونگه كوره بونداي انسان پرورليك حركت لر هرات يشوچي لريني حاضرگي قيغو و دردلريني كميتيريش ده كتته خصه قوشه آله دي.
عيني دمده علي حسين زاده هم بازار كسادگه اوچرگني و بيرقطار دوكاندارلر كسب و كاري رونق دن توشكني گه قرگنده باشقه به دولت كيشي لر هم عادليار جنابلري حركتي ني تكرارلنيشي ني ارزو قيليب باشقه لر كرونا ويروسي گه قرشي كورش نينگ بو مهربان ليك كارواني گه قوشيليشلريني طلب قيله دي.
هرات ده كرونا ويروسي ييرلگني باشلنيشي دن بويان شهر اهالي سينينگ هر لحظه سي قورقو ، تشويش و اچيغ خبرلرني تينگلش بيلن يولداش بولگن.
اما عادليار جنابلري نينگ بو حركتي بو كسل ليك گه غلبه قازانيش اوچون مردم جراحت لريگه مرهم بوليب همدل ليك پيامي ني ييرتماقده. حاضرچه هرات ده كرونا ويروسي ني يوقتيرگن ٦٥ مثبت واقعه رويخط ده آلينگن، بو آره دن ايككي بيمار ساغلگن و ايككي كيشي هم اوز جاني ني قول دن بيرگن.
كرونا ويروسي گه قرشي كورشده اهالي نينگ كوزگه كورنرلي حصه سي؛ ٢٠٠ دوكان ايگه سي حمل آيي كريه سيني بغيشلدي هرات ده كرونا ويروسي تاباره ييريليشي بيلن، بوشهر اهالي سي ارا مهربانليك كولمي هم كينگي ماقده. بيرگروه، بيمارلرگه ميوه ساوغه بيردي، بعضي لر هم كرونا ويروسي حقيده اهالي گه معلومات يتكزيش ده حركت قيلگن و بيرقطار فعاللر هم اهالي ياردملريني يغيب شهرنينگ قشاق يشوچي لريگه ساغليك ني سخلش جمله دن صابون ترقتديلر و بو سلسله حاضرچه رواجلنيب كوچيب بارماقده. نيچه وقت آلدين ايلك بار ١٢ دوكان ايگه سي ٤٥٠ مينگ افغاني گه تينگ دوكانلري كرايه سي بغيشلب دوكاندارار بازاري كساد بولگني سبب كرايه توله آلمسليك دن قينلمسين لر ديب اعلان ايتكندي.
اما هرات ده حاجي محمد داود عادليار ناملي ينه بير خيير شخص هم فردوس پلازا و آسيا ماركيتي ده گي اينگ آز ٢٠٠ دوكاني نينگ حمل آيي كرايه سيني بير اميد لنتيروچي حركت آرقلي دوكاندارلرگه بغيشلشكن.
بو دوكانلرني بيرآي ليك كرايه سي توپلم ٢٥ مينگ دالرگه تينگ دير.
عادليار جنابلري ديدي هرات برچه يشوچي لري كرونا ويروسي گه قرشي كورش ده حصه قوشيشلري شرط بولگنده مين هم حمل آيي كرايه سيني دوكاندارلرگه بغيشلش گه قرار آلديم و اگر وضعيت شونقه دوام ايتسه بو قراريم ني جوزيشيم ممكن.
عادليار جنابلريگه كوره عموما بو دوكانلرده عياللر كيمي، زينتي اشيالر، مجلسي اياغ كيملر ساتيلردي، برچه تالارلر تعطيل بولگني و توي و تماشالر اوتكزيلمگني سبب بازارلر بوتكل كسادگه اوچرگن ديب ايتي.
اونگه كوره نه فقط دوكانلري كرايه سيني بغيشلگن بلكه اهالي گه صابون و ساغليك ني سخلش اشيالر ترقتيش ده فرزندلريم گه وظيفه بيرديم ديدي.
او، حاضرگي آغير احوال ده بو وضعيت دن چيقيش ني يگانه يولي بيرليرميزگه ياردم يتكزيش و همشهري لري ميز قولي ني توتيش دير ديب اورغولشدي.
عايله ملك و جايدادلريني باشقره ياتگان عادليارجناب لري نينگ كتته فرزندي، آته سي توصيه سيگه اساسا” حاضرگي آغير احوال دوام تاپكن تقديرده، باشقه بير قطار جايدادلريني كه نيچه ماركيت دن عبارت دير حمل آيي كرايه سيني بغيشلش گه قرار آله ميز ديب سوز بيردي.
او آتم آلگن قراردن حمايت ايته من ديب يقين كيله جكده صابون وساغليك ني سخلش اشيالرني بازار اليب حاجتمند عايله لرگه ترقتيش ني باشلي ميز ديدي.
بو عايله نينگ قراري بو ماركيت لر دوكاندارلر و ايريم اهالي تمانيدن قيزيق آليقشلنگن. هرات يشوچي سي هادي رسولي بو خبرني تينگلب حقيقت ايكني دن باخبر بولگن دن سونگ عادليارجنابلري و عايله سيگه سلامتليك و موفقيت آرزو قيلديم ديدي.
اونگه كوره بونداي انسان پرورليك حركت لر هرات يشوچي لريني حاضرگي قيغو و دردلريني كميتيريش ده كتته خصه قوشه آله دي.
عيني دمده علي حسين زاده هم بازار كسادگه اوچرگني و بيرقطار دوكاندارلر كسب و كاري رونق دن توشكني گه قرگنده باشقه به دولت كيشي لر هم عادليار جنابلري حركتي ني تكرارلنيشي ني ارزو قيليب باشقه لر كرونا ويروسي گه قرشي كورش نينگ بو مهربان ليك كارواني گه قوشيليشلريني طلب قيله دي.
هرات ده كرونا ويروسي ييرلگني باشلنيشي دن بويان شهر اهالي سينينگ هر لحظه سي قورقو ، تشويش و اچيغ خبرلرني تينگلش بيلن يولداش بولگن.
اما عادليار جنابلري نينگ بو حركتي بو كسل ليك گه غلبه قازانيش اوچون مردم جراحت لريگه مرهم بوليب همدل ليك پيامي ني ييرتماقده.
حاضرچه هرات ده كرونا ويروسي ني يوقتيرگن ٦٥ مثبت واقعه رويخط ده آلينگن، بو آره دن ايككي بيمار ساغلگن و ايككي كيشي هم اوز جاني ني قول دن بيرگن.
