كندز ولايتي امنيتي مسووللري، طالبان جنگچي لري نينگ كندز ولايتي گه قرشي خجومي امنيتي و مدافعوي قوتلر تمانيدن دفع ايتيلگني دن خبر بيرگن.

كندز پوليسي سوزچيسي هجرت الله اكبري نشانه خبر آژانسي بيلن صحبت ده ديدي طالبان جنگچي لريدن بير گروه جنگچي بوكون ( سه شنبه ٢٩ ميزان) ايرته لب نيچه جهت دن كندز – خان آباد شاه يولي گه قرشي هجوم اويشتيرديلر. اكبري جنابلري طالبان نينگ بو هجومي امنيتي و مدافعوي قوتلر تمانيدن دفع ايتيلگن ديب ايتكن.

كندز پوليسي سوزچيسي ايرته لب ساعت بيش باشلنيب و بطر ساعت دوام ايتكن بو توقنشوده طالبان گروهي نينگ تورت جنگچي سي اولديرليب و ايككي جنگچي سي ياره لنكن ديدي.  اكبري جنابلري بو هجوم ده امنيتي قوتلرگه هيچقنداي صدمه يتكزيلمگني ني هم تصديق لشدي.

مملكت امنيتي و مدافعوي قوتلر جاري ييل ميزان آيي ده كندز ولايتي علي آباد تومنيده ييريك بير عمليات ني يولگه قويب بو تومن ني تورت كاتته قشلاقلريني طالبان جنگچي لريدن تازه لشكندي.