لغمان ولايتي محلي رسميلريگه كوره دولت شاه تومني بناسيدن امنيتي قوتلرني ارقه گه چيكنگني دن سونگ طالبان جنگچي لري تومن بناسيني ني تصرف ايتكن.
لغمان ولايت كينگاشي ريسي عتيق الله رحيم زي نشانه خبر آژانسي بيلن صحبت ده ديدي اوتكن كيچه ( چهارشنبه ٢٩ ثور ) امنيتي قوتلر بو تومن دن آرقه گه چيكينگن.
عبدالرحيم زي جنابلري علاوه ايتي بو تومن بناسي آلتي آي دن بيري طالبان تمانيدن محاصر بوليب قمرب آلينگندي و اوتكن كيچه اوني نظارتي طالبان گه اوتي.
لغمان ولايت كينگاشي ريسي طالبان و دولت جنگچيلري ارا يوز بيرگن توقنشولرده تلفات لر حقيده بيران نرسه ايتمه دي.لغمان ولايتي امنيتي مقاملري حاضرگه قدر بو باره دن بيران رسمي مناسبت بيلديرمگن.
بوندن ايككي هفته آلدين پايتخت كابل قوشني ليگيده جايلشكن ميدان وردك ولايتي نرخ تومني ني طالبان جنگچي لري تصرف ايتكنديلر.ميدان وردك ولايت حاكمي نرخ تومني بير كيليشو اساسيده طالبان نظارتي گه اوتكني ني ادعا قيلگندي.او اما بو كيليشو تفصيلاتي حقيده كوپراق ايضاح بيرمگن.