مارشال دوستم: افغانستان خوفلی باسقین آستیده
neshananews
05 August 2021افعانستان جمهوررييسی سابق اورین‌باسری مارشال عبدالرشید دۉستم افغانستان بیر خوفلی باسقینگه دوچ کېلگن دیب ایتکن.
دۉستم جنابلری اوتکن کیچه( چهارشنبه ۱۳ اسد) کابل‌ده کیلگنی دن سونگ اۉز طرفدارلری بیلن اوچره‌شود ده طالبانگه قرشی اوروش نینگ آلدینگی صفیده قَیتیش‌گه تیارلیگینی معلوم قیلدی. جناب دۉستم، او خلقی گه بیرگن تعهدلرنی بجریشگه و طالبانگه قرشی کۉکره‌گینی قلقان قیلیش‌ده تیار ایکنی ني اعلان ایتدی. اونگه کوره «خوفسیزلیک کوچلری بیلن بیر قطارده قان تۉکیسه شرَف و فخر دیر.
طالبان هجوملری اوج آلگنیگه اشاره قیلیب، مارشال دۉستم افغانستان خوفلی هجوم آستیده اېکنلیگینی قۉشیمچه قیلدی. اونینگ سۉزلریگه کۉره، بو حرکتلر کیچیک فتنه اېمس و ميده حرکتلر بیلن بیکار قیلینمه‌یدی.
جمهوررییس سابق اورین‌باسری نینگ قید اېتیشیچه، کابلگه کیلیشی بیلن او جمهوررییس غنی و سیاسي رهبرلر بیلن اوچره‌شیب، طالبان هجومینی قَیتریش نینگ اساسي رېجه‌سینی محاکمه قیله‌دی. دۉستم جنابلریگه کۉره، بو هجومنی قَیتریش اوچون کوچلی رېجه ضرور.
مارشال عبدالرشید دۉستم سیاستچیلر و حکومت اۉرته‌سیده‌گی کیچیک سیاسي کیلیشموچلیک لرنی حاضرگی وضعیتده ناتۉغری دېب تعریفله‌یدی و حاضر برچه اهالی اشتراکی بیلن همه مملکتنی حمایه قیلیش وقتی یتیب کیلگن ديدي.
مارشال دۉستم تورکيه‌گه بیر آی لیک استقامت دن کیین اوندای بیرحالده افعانستان گه قَیتدی که، طالبان اۉنلب تومنلرنی باسیب آلگه‌چ، مملکت نینگ ییریک شهرلریگه هم هجوم باشله‌دی. بو آره‌ده جمهوررییس طالبانگه قرشی اهالی‌نی ملي سفربرلیک‌گه چقیردی.
