ماليه وزيرليگي: اوتكن ايككي هفته ده ملي عايدات دن ٧ ميلياردافغاني توپلنگن
ماليه وزيرليگي، جاري آي نينگ اوتكن ايككي هفته سيده ملي عايدات دن يتي ميليارد افغاني دن كوپراق مبلغ توپلنگني اعلان ايتكن.
بو وزيرليك بوكون ( دوشنبه ١٩ عقرب) بير خبرنامه نشر ايتيب بو ايككي هفته ده ٣٩٤ ميليون افغاني مستوفيت لردن ، ١٨٦ ميليون افغاني ساليق دن، بير ميليارد و ٧٥٧ ميليون افغاني ماليات بولمگن عايدات و اوچ ميليارد و ٨٣١ ميليون افغاني هم باجخانه لردن دولت حسابيگه توپلنگن.
ماليه وزيرليگي شونينگ ديك جاري مالي ييل اولي دن حاضرگه قدر ١٤٢ ميليارد و ٦٨٥ ميليون افغاني ملي بودجه دن بو وزيرليك حسابي گه اوتكزيلگني دن خبر بيرگن.
افغانستان ده كرونا ويروسي ييرلگني دن سونگ مملكت ملي عايدات ٣٠ فايز كميشي كوتيلردي.