وزارت-مالیه-880x550

ماليه وزيرليگي ايككي ملازمي پاره آليش عيبلوي بيلن توتقين دن آليندي

neshananews

12 May 2021

باش قاره لوچي نينگ اعلان قيليشيچه ماليه وزيرليگي خزاين رياستي ني ايككي ملازمي پاره آليش عيبلوي بيلن توتقين ده آلينگني دن خبر بيرگن.
باش قاره لوچي اداره سي بوكون ( چهارشنبه ٢٢ ثور) نشر ايتكن خبرنامه سيده بو ايككي ملازم بير خصوصي شركت معلوماتي گه اساسن اون مينگ امريكايي دالر پاره آليش عيبلوي بيلن باالفعل توتقين ده آلينگني ني ايتكن.
خبرنامه ده يازيليشيچه بو ايككي ملازم بير خصوصي شركت كه تيگيشلي بولگن معلومات لرني كابل ده باشقه ببر ولايت ده انتقال بيريش اوون اون مينگ امريكايي دالر پاره ايستشكن ايكن. معلوماتلرگه كوره باش قاره لوچي نينگ تحقيقاتلري بو توغريده دوام ايتماقده.
بوندن ايككي كون آلدين هم شهيدلر و ناگرانلر وزيرليگي ايككي ملازمي پاره آليش عيبلوي بيلن توتقين ده آلينگنديلر. باش قاره لوچي اداره سي نينگ اداري فسادگه قرشي كورش بوليمي سونگي وقتلرده فعال راق بوليب انده سنده پاره آليش عيبلوي بيلن دولت ملازملري نينگ توتقين ده آلينگني دن خبر بيره دي.