افغانستان مالیه وزیرلیگی سرپرستی محمدخالدپاینده جاری مالی ییل ده دولت عایداتی اوتکن ییل گه قرگنده ۲۳ فایز کوپیگنی نی اعلان ایتکن.
پاینده جنابلری بوکون ( چهارشنبه ۲۹ ثور) ولسی جرگه عمومی یغنیده جاری مالی ییل اوچون مالیه وزیرلیگی ۲۱۶ میلیارد افغانی عایدات یغیش نی اوزیگه مقصد قیلگن دیدی. اونگه کوره جاری مالی ییل اولی دن حاضرگه قدر بو وزیرلیگی ۳۹ میلیارد افغانی عایدات یغیشتیرگن که بو رقم اوتکن ییل گه قرگنده ۲۳ فایز کوپیشی نی کورسته دی.
پانیده جنابلری شونینگ دیک مملکت باجخانه لریده کین کولمده فساد بارلیگی نی ایتیب علاوه ایتکن بیرقطار نفوذلی شخص لر اوزلریگه منسوب شخصلرنی تعین قلیش بیلن فساد و استفاده گه دخلدار دیرلر دیدی. اما بو شخص لرکیم بولگنی حقیده کوپراق معلومات بیرمه دی.
پاینده جنابلری باجخانه لر ملازملریدن علاوه محلی مقاملر و حتی عادی شخصلرهم دولت عایداتی نی حیف ومیل بولیشی دن دخلداردیرلر دیدی. پاینده جنابلری شونینگ اوچون مملکت باجخانه لرینی مفسدآدملردن تازه لش اوچون بیرهرتمان له مه دستور قول اوستیگه آلینگنی دن خبر بیردی.
عینی حالده ولسی جرگه رییسی میررحمان رحمانی مملکت باجخانه لریده دوان ایتیب باره یاتکان فساد گه دخلدار بولگن دولت ملازم لری و پارلمان اعضالری اسملری فاش ایتیلشی نی طلب ایتی.
.سونگی آی لرده ننگرهار و قندهار ولایت لری باجخانه لریده خذمت قیله یاتکان نیچه عالی رتبه لی ملازم لر فساد و مالی سو استفاده عیبلوی بیلن ایشلریدن چیتلشتیریلدیلر.