ماین‌تازه‌لش بیرموسسه‌ني اون خادمی بغلان‌ده اولدیریلدی
neshananews
09 June 2021بغلان ولایتی محلی رسمیلری، ” هلوترست” ماین‌تازه‌لش موسسه‌سی‌نینگ اون خادمی طالبان‌گروهی‌گه تیگیشلی قوراللی‌لر تمانيدن آتیب اولدیریلگنی‌ني ادعا قیلگن، طالبان اما بو هجوم مسولیتی‌ني اوز بوینیگه آلمگن .
بغلان پولیس سوزچیسی جاوید بشارت نشانه‌خبر‌آژانسی بیلن صحبت ده بو واقعه اوتکن‌کیچه( سه‌شنبه ۱۸جوزا ) ساعت ۱۰.۰۰ مرکزی بغلان تومنی‌نینگ ” شیرجلال” منطقه‌سیده یوزبیرگن دیب ایتدی. بشارت‌جنابلری طالبان گروهی جنگچیلری ماین‌تازه‌لش بو موسسه دفتریگه هجوم اویشتیریب بو موسسه ملازملرینی اوق‌گه توتکن دیدی اونگه کوره بو هجوم‌ده بو موسسه‌ني ۱۶ ملازمی‌هم جراحتلنگن.
طالبان گروهی اما بو حادثه مسوولیتی ني اوز بوینیگه آلمگن. طالبان گروهی سوزچیسی ذبیح الله مجاهد تویتر صحیفه‌سیده بو هجوم بوگروه جنگچی‌لری‌گه تیگیشلی ایمس دیب یازگن.
