محبوبی؛ تخارده طالبانگه قرشی مقاومت و برقرارلیک میراث‌داری
neshananews
08 July 2021سید منیر محبوبی، تخار ولایتیده‌گی خلق مقاومت کوچلری قوماندانلریدن بیری دیر. او طالبانگه قرشی مقاومت قیلیش اوچون بیر دایره شکللنتیرگن. بو محلي قوماندان شمال-شرق بولگه سیده طالبانگه قرشی کتّه مقاومت دایره‌سینی شکللنتیریشده حصه قۉشیش اوچون آدملرنی سفربر قیلماقده. سید منیر محبوبی – تخار ولایتی نینگ اشکمش تومنی حاکمی سید مقتدیر محبوبی نینگ اۉغلی دیر. اونینگ آته‌سی سۉنگگی کونلرده طالبان بیلن جنگ میدانیده اوز‌جانی‌ني قولدن بیردی.
شِمال و شِمال-شرقده‌گی تومنلر نینگ طالبلر قۉلیگه توشیشی اوج آلگن پیتده طالبانگه قرشی کوره‌شیش تجربه‌سیگه اېگه بولگن اۉنلب سابق جهاد قوماندانلری قورال آلیب، خوفسیزلیک کوچلری بیلن بیر قطارده طالبلرگه قرشی حرکت قیلماقده‌لر. اوشبو قوماندانلر طالبلر نینگ حربي حرکتلری جلولشی آلدینی آلیش و شمال و شِمال-شرقي ولایتلرده یۉقالگن حدودلرنی قَیتریب آلیش اوچون طالبلرگه قرشی توریش اوچون کوچلی، ترتیبلی و قطعیتلی کوچ یره‌تیشگه اینتیلماقده.
شمالي-شرقي تخار ولایتیده محبوبی قوماندان طالبانگه قرشی خلق قرشیلیک کوچلری گروهینی باشقه‌ره‌دی. اونینگ سۉزلریگه کۉره، خلق طالبلر حکمرانلیگینی یاقتیرمه‌یدی و طالبلر نینگ بو حدودلر اهالیسی اوستیدن حکمرانلیگی قبول قیلینیشی ممکن اېمس، شو سببلی آدملر بوگروه‌گه قرشی کوره‌شیش اوچون قورال کۉتارگن. جناب محبوبی مردمی قوتلر شو پیتگچه تخار مرکزی خوفسیزلیگینی تأمینلشده و اۉنلب طالبلر نینگ هجوملرینی قَیتریشده مهم رۉل اۉینه‌گنینی قۉشیمچه قیلدی.
قوماندان محبوبی نینگ ایتشیچه، خلق مقاومت کوچلری اېندی‌گینه توزیلگن بۉلسه‌ده، اولر طالبلرگه قرشی یوقاری کوره‌ش روحیه‌سیگه اېگه و خلق تمانیدن قۉللب-قوّتلنگن. قوماندان محبوبی قۉشیمچه قیلدی، او و اونینگ آدملری همده باشقه مقاومت قوماندانلریگه کوره، مردم طالبلر نینگ مجبوري باشقرووینی قبول قیلمیدی و خلق مقاومت کوچلری مردم‌نینگ بو طلبی ني تن آلیش‌لری لازم.
بو قوماندان‌نی تأکیدلشیچه، او و اونینگ اۉرتاقلری طالبلر نینگ شمالي ولایتلر اوستیدن نظارتنی قۉلگه کیریتیشیگه تۉسقینلیک قیلیشده و حاضرده طالبانگه قرشی کوره‌شنی بیرلشتیریش، قوراللنتیریش، باشقه‌ریش، یۉنه‌لتیریش و ثمره‌لی باشقه‌ریشگه اینتیلماقده. اونینگ سۉزلریگه کۉره، اوشبو خلق حرکتی خلق منفعتلرینی حمایه قیلیش دعواسی بیلن شکللنگن و بو دعوا نینگ ایزداشلری کونده‌ن-کونگه کۉپه‌ییب بارماقده.
تخارده طالبانگه قرشی کوره‌شچیلر طالبانگه قرشی خلق جنگریلرینی سفربر قیلیش آرقه‌لی تخار ولایتی مرکزی تالقان شهریگه نسبتاً تهدیدنی کمه‌یتیریش نیتیده دیرلر، بو قوتلر اۉز حرکتلرینی تخارده امنیتی قوتلر همکارلیگی بیلن یۉقالگن حدودلرگه کېنگه‌یتیریب و یۉقاتلگن حدودلرنی طالبان نظارتیدن قَیتریب آلیش‌ني اوزیگه مقصد قیلگن..
برهان‌الدین رباني حکمرانلیگی دوریده مملکت شِمال-شرقیده جایلشگن تخار طالبانگه قرشی مقاومت مرکزلریدن بیری ایدی. طالبانگه قرشی کوره‌شده کتّه تجربه‌گه اېگه بۉلگن سابق جهاد قوماندانلری طالبان نینگ شِمال-شرقده‌گی غلبه‌لری جوده قیسقه مدتلی دیر. اولر نینگ سۉزلریگه کۉره، خلق نینگ مقاومت کوچلری حکومت بیلن همکارلیکده طالبان اوزباشیمچه‌لیگی آلدینی آلیشماقده.
قوماندان محبوبی نینگ قۉشیمچه قیلیشیچه، تخارده مردم‌دن حمایه قیله‌یاتگن جنگچیلر، طالبلرگه قرشی جدّيلیک، کوچلی اراده و دایمي قطعیت بیلن کۉرشماقده‌لر و طالبلرگه سۉنگگی اۉق آتیلگونیگه قدَر شهرلرنی اېگه‌للشلریگه یۉل قۉیمه‌یدیلر. جناب محبوبی اشکمش تومن حاکمی سید مقتدر محبوبی نینگ اۉغلی دیر، سۉنگگی کونلرده طالبان قرشی کورشده اوز جانی ني قولدن بیرگن کیشی. قوماندان محبوبی نینگ ایتیشیچه، آته‌سی یاره‌لنگنیده و اۉلیم تۉشه‌گیده بۉلگنیده، او بیر نېچه بار کۉز یاشلری بیلن اشکمش خوفسیزلیک حالتینی سۉره‌گن و تومن طالبان قۉلیگه توشیب قالیشی نینگ آلدینی آلیشگه حرکت قیلگن.
بو محلي قوماندان، آته‌سی طالبلردن اذیت چېکّکن بۉلسه-ده، او آغریقلرگه چیده‌گن و طالبلر اۉز حدودینی کېنگه‌یتیره‌یاتگن عذابلرینی قبول قیلمه‌گن‌ایدی. جناب محبوبی نینگ قۉشیمچه قیلیشیچه، آته‌سی طالبلرگه قرشی برقرارلیک امیدیده وفات اېتگنیده، او آته‌سی نینگ یۉلینی دوام اېتتیریش و طالبلرگه قرشی کوره‌شیش اوچون قتّيق کوچ صفتیده خلقنی طالبلردن حمایه قیلیش اوچون سید مقتدر نینگ اۉغلی صفتیده قورال آلگن.
محلي قوماندان نینگ تأکیدلشیچه، او طالبانگه قرشی کوره‌شده یوکسک روحي احوالگه اېگه و اونینگ باشقه جنگچیلری هم شو روحگه اېگه دیرلر.
تخارده‌گی محلي قوماندان نینگ ایتیشیچه، طالبان تالقان شهرینی باشقه‌ریشنی آرزو قیله‌دی و خلق جنگچیلری طالبلرگه قرشی کۉکره‌گینی قلقان قیلیب، خلق نینگ تقدیرینی باشقریشیگه یۉل قۉیمه‌یدی.
مملکت نینگ اَیریم ولایتلریده مقاومت کوچلری توزیلگن بۉلیب، جنگاور قوماندانلر خلق نینگ جنگاور کوچلرینی ثمره‌لی باشقریش، یۉنلتیریش، مالیه‌لشتیریش و جهازلش اوستیده ایشله‌ماقده، شونده اولر افغانستان شِمالی-شرقي تاغلیک حدودلریده ثمره‌لی تاکیتیک‌لری بیلن طالبلرنی نابود قیلیب قولدن بیرگن منطقه‌لرنی قیته تصرف ایتیش‌ني مقصد قیلگن‌لر
سۉنگگی پیتلرده طالبان تمانیدن تخار، بدخشان و باشقه منطقه‌لرنی تورلی جایلریده اېرککلر و عیاللرگه نسبتاً کۉپراق اجتماعي چېکلاولر قۉللنیلیشی سببلی، طالبلرگه قرشی مقاومت حرکتی کوچه‌یتیریلدی و اهالی طالبان نینگ قطعي حکمرانلیگیدن قوتولیش و بو گروهگه قرشی قورال کۉتاریشگه مجبور بۉلماقده‌لر.
باشقه تاماندن، شِمالده اوروش نینگ قومی قره و تمانینی فاش اېته‌یاتگن اَیریم سیاسي رهبرلر نینگ ینگی سوز تسمه‌لری نینگ نمایان بولگنی، طالبلرگه قرشی مقاومت تورتکی‌لرینی ینه‌ده کوچه‌یتیره‌دی و اېندی اۉزلرینی اسلامي کوچ دېب دعوا قیله‌یاتگن طالبلرگه قرشی قورال آلیب، بو گروهگه قرشی کوره‌شماقده‌لر.
شِمالده‌گی بعضی تحلیلچیلر افغانستان نینگ شمالي قِسمیگه قرشی طالبلر نینگ اوروشینی اوشبو ولایتلر اهالی‌سیدن قصاصینی آلیشگه و اوّلگی مغلوبیتلرینی قاپلشگه اورینیش دېب حسابلشه‌دی. طالبلر اۉز کوچلرینی شِمالگه تۉپلب، طالبلرگه قرشی شمالي مقاومت کوچلرینی ضعیفلشتیریش و اوزلرینی اوستونلیک گه دایر قومی اینتیلیشلرنی اۉرنه‌تیشگه سعی قیلماقده. تحلیلچیلرگه کۉره، افغانستان نینگ شِمالیده‌گی وضعیتنی حسابگه آلگن حالده، شمال و شِمالی-شرقي ولایتلرده‌گی محلي اهالی طالبلرگه قرشی کوره‌شه‌یاتگن ته‌یه‌نچ سنگرلر صفتیده کۉریلماقده. طالبلر افغانستان‌نی باسیب آلیب، اسلام امارتی‌نی یره‌تیش آرقه‌لی شِمال اهالیسینی مملکت سیاسی کېله‌جکده، هېچ قنده‌ی اعتبار و حصه بیرمسلیک اوجون خلاصه گه کیلگن.
اما تحلیلچیلر اوچون خلاصه شوکی، طالبلر یوقاری معنوي و تورلی خیل تجربه‌لی محلي کوچلرگه دوچ کېلماقده‌لر و بیر کون کېلیب بو چیزیق کوچه‌یه‌دی و محبوبی سینگری مینگلب باشقه آدملر قورال آلیب، شِمالده طالبان حکمرانلیگیگه قرشی کوره‌شه‌دیلر.
