مدافعه وزیرلیگی: سۉنگگی ۲۴ ساعت ایچیده ۲۳۳ طالبان جنگچیسی اولدیریلدی
سۉنگگی ۲۴ ساعت ایچیده اۉن ولایتده کمیده ۲۳۳ طالب جنگری اولدیریلگن، دېیه خبر بېرهدی مدافعه وزیرلیگی عامهوي اخبارات واسطه مسووللری.
مدافعه وزیرلیگی سوزچیسی اۉرینباسری فواد امان بوگون ( دوشنبه۲۸ سرطان) تویتترده ننگرهار، غزنی، قندهار، جوزجان، سرپل، فاریاب، بلخ، هلمند، تخار و قوندوز ولایتلریده طالبان جنگریلری نابود قیلینگنلیگینی یازگن.
وزیرلیک بیاناتیده ولایتلرده ینه ۸۸ نفر طالبان جنگریسی یارهلنگنینی ایتیلگن.
طالبان حاضرچه بو باره ده ایضاح بېرمهگن.
اۉن ولایتده خوفسیزلیک کوچلری و طالبان جنگچیلری اۉرتهسیده قوراللی تۉقنهشوولر دوام اېتماقده، اما دوحهده تینچلیک مذاکرهلری دوام اېتیب حاضرچه هېچ قندهی نتیجهگه اېریشیلمهگن.