مدافعه وزیرلیگی: طالبان نینگ هلمند مرکزیگه هجومی قَیتریلدی
neshananews
02 August 2021مدافعه وزیرلیگی رسميلری نینگ ایتیشیچه، طالبلر نینگ هلمند ولایتی مرکزی لشکرگاه‌گه قیلگن هجومی قَیتریلگن.
ملي مدافعه وزیرلیگی سوزچیسی اۉرین‌باسری فواد امان بوگون ( دوشنبه ۱۱ اسد) اۉز تویتتېریده طالبان جنگریلری کېچه تونده هلمند ولایتی مرکزی لشکرگه‌گه هجوم قیلگنینی یازگن.
جناب امان، طالبان هجومی اردو کوچلری نینگ قرشیلیگیگه اوچره‌گنینی قۉشیمچه قیلدی. اونگه کۉره، مملکت خوفسیزلیک و مدافعه کوچلری هجومنی قَیترگن.
مدافعه وزیرلیگی مطبوعات کاتبی اۉرین‌باسری نینگ ایتیشیچه، تۉقنه‌شوولرده کمیده ۴۰ طالبان جنگچیسی اۉلدیریلگن و ۳۸ کیشی‌سی یاره‌لنگن.
طالبان حاضرچه‌بو باره‌ده هېچ قنده‌ی ایضاح بېرمه‌گن.
طالبان نینگ لشکرگاه.گه هجوملری نینگ ینگی تۉلقینی اۉتگن هفته آخریده باشلنگن. کېچه کېچقرون شهرگه ینگی کوماندو قۉشینلری یوباریلگندی.
