ملي مدافعه وزيرليگي لغمان ولايتيده يقين كونلرده بير حربي عمليات باشلنيشي دن خبر بيرگن. ملي اردو شتتي ريسي محمدياسين ضيا بو ولايت خوفسيزليگي ني تيكشيريش اوچون بو ولايت گه سفر قيلگن.مدافعه وزيرليگي گه كوره بو تازه لش عمليات يقين كونلرده اوتكزيله دي.
ملي مدافعه وزيرليگي بوكون( يكشنبه ايككينچي جوزا ) بير خبرنامه نشر ايتيب يازگن ضيا جنابلري اوتكن كوني شام بير يوقاري مرتبه لي امنيتي هيات باشليغيده بوليب لغمان ولايتي گه سفر قيلگن. خبرنامه گه كوره بوهيات لغمان ولايتي خوفسيزليك وضعيتي ني تيكشيرگن.
مدافعه وزيرليگي معلوماتيگه كوره بو ولايت ني طالبان جنگچيلريدن تازه لش اوچون بير ييريك حربي عمليات يولگه قويلماقچي اما اوني انيق تاريخي دن معلومات بيرمگن.
بوندن بير هفته آلدين بو ولايت ني دولت شاه تومني ني طالبان تصرف ايتي. اما اردو قوتلري، امنيتي قوتلر بو تومن دن تكتيكي روشده ارقه چيكينگن ديب اعلان ايتي. بو ولايت ني باشقه بيرقطار تومنلري هم امنيتي قوتلر و طالبان جنگچيلري ارا شدت لي توقنشولرگه گواه دير.