ملی مدافعه وزیرلیگی نی اعلان قیلیشیچه لشکرگاه شهری تورتینچی و اونیمچی ناحیه لری ملی اردو تمانیدن یولگه قویلگن عملیات نتیجه سیده طالبان جنگچی لریدن تازه لنگن.

بو وزیرلیک بوکون ( چهارشنبه ۷ عقرب) نشر ایتکن خبرنامه سیده، اوتکن کیچه امنیتی و مدافعوی قوتلرتمانیدن لشکرگاه شهری نینگ « بشران، بولان و چاه انجیر » قشلاق لریده حربی عملیات یولگه قویلگنی دن خبربیرگن. خبرنامه بوعملیات جریانیده لشکرگاه شهری تورتینچی و اونیمچی ناحیه لری طالبان جنگچی لریدن تازه لگنی تاکیدلنگن.

خبرنامه گه کوره بو عملیات نتیجه سیده طالبان نینگ ۳۰ دن کوپراق جنگچی لری اولدیریلگن و بیرقنچه سی هم یاره لنگن. ملی مدافعه وزیرلیگی معلوماتیگه کوره بو منطقه لردن آواره بولگن اهالی قیته اوز اوی جایلریگه قیتیب کیلگن و جایلشماقده لر.

اوتکن میزان آیی اورته لریده طالبان جنگچی لری لشکرگاه شهری ایریم منطقه لریگه قرشی هجوم لرینی شدت بیرگندی لر و بو هجم لر سبب بو شهرنینگ قریب ۴۰ مینگ یشوچی سی اوز اوی جایلرینی ترک ایتیب آواره بولگندی لر.