ملي مدافعه وزیرلیگی، مملکت نینگ ۱۸ ولایتیده طالبان و ملي اردو قوتلری ارا توقنشولر دوام ایتیب باریشی دن خبربیرگن. اوتکن ۲۴ ساعتده بو توقنشولر جریانیده طالبان نینگ ۲۱۰ جنگچی سي اولدیریلیب و ۹۵ جنگچی سي هم یاره‌لنگن.
ملي مدافعه وزیرلیگی بوکون(شنبه۸جوزا) نشرایتکن خبرنامه سیده طالبان نینگ بو جنگچی لری ننگرها، لغمان، خوست،غزنی، لوگر، پکتیا، باغیس، غور، فاریاب، بلخ، سرپل، سمنگان، بغلان و بدخشان ولایتیده اولدیریلگنی دن خبربیرگن.
ملي مدافعه وزیرلیگی خبرنامه سیده یازیلیشیچه بو گروه نینگ ۹۵ جنگچی سي هم بو توقنشولرده یاره‌لنگن.
مدافعه وزیرلیگی حربی قوتلر تلفاتی حقیده بو خبرنامه ده تفصیلات بیرمگن.
طالبان هم بوباره ده بیران خبر نشر ایتمگن.
مملکت نینگ ۱۸ ولایتیده بو توقنشولر اوندای بیرحالده دوام ایتماقده که اوچ ییل آلدین باشلنگن صلح مذاكره لری حاضرگه‌قدر بیران ایجابی نتيجه بیرمگن. هرچند خارجی قوتلرنی افعانستان دن چیقیشی باشلنگن اما طالبان هلی هم توقنشولر شدتی ني کمیتیرمگن.