مدنیت وزیرلیگی سرپرستی ” جمهوری اسلامی” روزنامهسی باشمقالهسیگه مناسبت بیلدیردی: اېران افغانستانده شیعه-سنّی ارا اتفاقسیزلیک یرهتیشدن وازکیچیشی کېرک
اخبارات و مدنیت وزیرلیگی سرپرستی محمدقاسم وفاییزاده اېران حکومتیگه قرهشلی “جمهوری اسلامی” روزنامهسی باشمقالهسیگه مناسبت بیلدیردی.
جناب وفاییزاده جنابلری بوگون ( دوشنبه ۲۸ سرطان) اۉزی نینگ تویتتر-دهگی صحیفهسیده افغان خلقی طالبان، داعش و پاکستانلیک قللریگه قرشی بیردملیگ و اتفاق بیلن توختتگن و اېران حکومتی مملکتده دیني بۉلینیشنی قۉزغهتمسلیگی کېرهکلیگینی یازگن.
جناب وفاییزادهنینگ قۉشیمچه قیلیشیچه، اېران حکومتی اوشبو بۉلینیش بیلن مملکتده اوروش حجملرینی کېنگهیتیرماقده. اونگه کۉره، مملکت اهالیسی آرهسیده بوندای یاللنمه قللیک گروهلرگه جای یۉق.
عینِ پیتده، “جمهوری اسلامی” گزېتهسی بیرینچی سرلوحهسیده افغانستاندهگی طالبلر تروریستیگروهیگه قرشی “حشد الشیعې” گروهی کورهش اوچون ایاغگه توختتگنی یازگن. “حشد” عربچه کلمه و “گروهی قوزغلان”معناسینی انگلهتهدی و بو سۉز اېران حکومتی تمانیدن کوپ ایشلهتیلهیاتکان اصطلاح دیر.
“حشد الشیعی” سوزی درحقیقت عراق ده داعش تروریستی گروهیگه قرشی کورهشهیاتگان و ایران تمانيدن حمایت بوله یاتکان حشدالشعبی سوزیدن آلینگن و بو گروه حاضرهم عراق ده فعال دیر.
بوندنآلدین اېران حکومتیگه علاقهدار کیهان روزنامهسی اۉز مقالهسیده طالبان اۉتمیشدن اۉزگرگن و ۱۹۷۰-ییلگی حرکتلرنی تکرارلهمسلیگینی دعوا قیلگن اېدی.