مسعود ارشد: مېن هر دایم جنگ نینگ اولگی صفیده باریشنی خواهلردیم
مسعود ارشد بدخشان ولایتیدهگی یاش پولیسلردن بیری بۉلیب، ازلدن جنگ صفیگه باریشنی ایستهگن. او حربي تیارگرلیکدن اۉتگن و کۉپ ییللر دوامیده مملکت پولیسقوتلری صفیده تعلیمکورگن افسر صفتیده خدمت قیلگن. جناب ارشد سۉنگگی ییللرده پولیس ترکیبیده تورلی وظیفهلرنی بجرگن. او بیر وقتلر بدخشان ولایتیدهگی پولیس کوچلری نینگ سوزچیسی بۉلگن و بدخشان و سرپل ولایتلریدهگی مخصوص پولیس بۉلینمهسی اعضاسی صفتیده هم خدمت قیلگن.
مسعود ارشد ۱۳۹۰ شمسی ییلده پولیس اکادمیسیدن بیرینچی درجه ده افسر اولهراق توگهتیب، سۉنگ ایچکی ایشلر وزیرلیگی نینگ پالیسی ریاستیده ایش باشلهدی. شونینگدېک، او محلي و خارجي بورسیهلرده قتنهشگن. بو یاش ضابط ۱۳۹۲ ییلده لوگر ولایتیدهگی “شینگ” کمپی قوماندانی صفتیده ایکّی ییل، نیمروز ولایتیدهگی کمالخان توغانی خوفسیزلیک قوماندانی و کېینچهلیک بدخشان پولیسی سوزچیسی و بدخشان و سرپل ولایتلری مخصوص پولیس قوتلری نینگ اۉرینباسری صفتیده ایشلهگن.
مسعود ارشد حاضرده بدخشان پولیسی ریزف عملیاتی بۉلیمی باشلیغی اۉرینباسری لوازمیده خدمت قیلماقده و طالبلرنینگ فیضآباد شهریگه هجوملرینی آلدینی آلیش اوچون کېچه و کوندوز سنگرده اورشیب کیلماقده.
جناب ارشد پولیس خادیمی صفتیده هر دایم جنگ نینگ آلدینگی صفلریده قتنهشگن و افغانستان نینگ تورلی جایلریده طالبانگه قرشی کورهشگن و اېترلی اوروش تجربهسیگه اېگه. سۉنگگی کونلرده جناب ارشد طالبلر فیضآباد نینگ چېکّهسیگه اېتیب بارگنیده و خوفسیزلیک کوچلری فیصآباد شهری اطرافیده خوفسیزلیک کمربندلرینی کوچهیتیرگنده اۉز کوچلری بیلن آلدینگی صفده اېدی.
او هر دایم جنگاورلیک یونیفورم کيگن و بېلیده اوقدن تۉله پرتله سي بار، او اۉز پوستهسي و اطرافیدهگی منطقهلر و طالبان حرکتلرینی کوزهتیب تورگن. جناب ارشد یاش بۉلسه-ده و کۉپ ییللر دوامیده خوفسیزلیک کوچلریده ایشلهمهگن بۉلسه-ده، او موفقیتلر نینگ یوقاری چۉقّیلریگه چیقه آلدی و یوقاری لوازملرده خدمت قیلگن. یاش افسر نینگ ایتیشیچه، بدخشان پولیسقوماندانلیگی سوزچیسی لوازمیده ایشلر اېکن، او دایم خوفسیزلیک کوچلری بیلن آلدینگی قطارگه باریشنی و طالبانگه قرشی کورهشیشنی خواهلهگن. اونینگ سۉزلریگه کۉره، اونینگ جنگ میدانیده دایمي اشتراک اېتیشی و یوتوقلری اونی پولیس خوفسیزلیک کوچلری نینگ یوقاری درجهدهگی رهبر لوازملریده یتکزگن.
جناب ارشد طالبلر نینگ اوروش جغرافیهسینی و گروه نینگ بدخشان ولایتی مرکزی فیضآباد شهریگه قرشی تهدیدلرینی رواجلنیشیگه یۉل قۉیمسلیک اوچون قۉلیدن کېلگن برچه ایشنی قیلیشی اوچون خلقیگه ایشانچبیرهدی. اونینگ قۉشیمچه قیلیشیچه، ولایت تومنلری طالبلر جنگریلری قۉلیگه اۉتگنیدن سۉنگ، ولایتگه جایلشتیریلگن خوفسیزلیک کوچلری شهر نینگ خوفسیزلیک کمربندلرینی کوچهیتیرگن و طالبلر نینگ ولایت مرکزیگه کیریب باریشی اوچون برچه یۉللرنی یاپگن.
یاش افسر اولر حلی هم تینچلیک مذاکرهلری نینگ ثمرهلی نتیجهلریدن امیدوار اېکنلیکلرینی و اگر طالبلر تینچلیک جریانیگه رعایه قیلمسه، خوفسیزلیک کوچلری یۉقالگن جایلرنی قَیتریب آلیش اوچون برچه سعی-حرکتلرینی ایشگه سالیشینی قۉشیمچه قیلدی. اونینگ سۉزلریگه کۉره، افغانستان حکومتی تینچلیک مذاکرهلری باشلنگنیدن بېری سان-سناقسیز قربانلیک بیردیلر و خوفسیزلیک کوچلری اۉزینی حمایه قیلیش آرقهلی حاضرهم فداکارلیک قیلماقدهلر، اما او طالبلر بو برچه فداکارلیکلردن کۉز یومیب، اولر زۉرآورلیک و اوروشنی کوچهیتیریشگه یوزتوتکنلر.
یاش افسر نینگ ایتیشیچه، طالبلر تینچلیک جریانیگه ایشانمهیدیلر و حربي غلبهنی قیدیرماقدهلر، اما خوفسیزلیک کوچلری گروه نینگ حاکمیت گه کېلیشیگه یۉل قۉیمهیپتی و طالبلر نینگ غلبهسینی آلدینیآلیش اوچون خلق مقاومت کوچلری بیلن ایشلش اوچون تون و کون ایشلهماقده.
اوشبو یاش ضابط نینگ سۉزلریگه کۉره، سۉنگگی ۲۰ ییل ایچیده افغانستاندهگی اۉزگریشلر طالبان نینگ اۉسیشیگه و حکمرانلیگیگه یۉل قۉیمهیدی؛ چونکه، اونینگ سۉزلریگه کۉره، سۉنگگی پیتلرده طالبان نینگ تجاوزکار هجوملریگه قرشی خلق نینگ قرشیلیک کۉرسهتیشی طالبان فکری نینگ اوزگرمسلیگینی عکس اېتتیرهدی. جناب ارشد نینگ ایتیشیچه، بدخشان مرکزی اوستیدن طالبلر نینگ تهدیدلرینی آلدینی آلیش بیلن بیر قطارده خوفسیزلیک کوچلری یۉقالگن حدودلرنی قَیتریب آلیش رېجهلرینی هم عملگه آشیرماقدهلر و تېز آرهده بو رېجهلرنی عملگه آشیرهدیلر، شونده اولر یۉقالگن حدودلرنی قَیتریب آلیش آرقهلی خوفسیزلیک، تینچلیک و ترتیبنی تیکلب اهالی حیاتینی نورمال حالتگه کېلتیریش لری حتمی دیر.