مقاونت شکللنیشی و طالبلرگه قرشی خلق سفربرلیگینی آرتکنی
neshananews
27 June 2021تینچلیک مذاکره‌لر و افغانستان دولتی و طالبان گروهی‌نینگ مذاکره قیلوچی هیات‌لری ارا توغریدن دن توغری سوزلشولر جریانیده ایکّینچی مقاومت میش‌میش‌لری پیدا بۉلیشی بیر قطار جهاد رهبرلری تمانیدن کۉتاریلگن. جهادي رهبرلر تینچلیک مذاکره‌لری جریانیدن چېتده قالیشدی و تینچلیکدن کېینگی حکومتده مهم رۉل اۉینه‌ی آلمه‌یدی، دېب ایشانیشگن.
افغانستان حکومتی رهبریتی نینگ تینچلیک جریانینی قۉللب-قوّتلش اوچون اهالی فکرینی جلب قیلیش و ایچکی سیاسي اجماع و بیرلیک یره‌تیش باره‌سیده‌گی سعی-حرکتلری نتیجه بېرمه‌گن بۉلسه-ده، تینچلیک مذاکره‌لری گروهی نینگ ترکیبی جهاد رهبرلری نینگ سیاسي اۉیینلردن چېتده قالیش خواطرلریگه چېک قۉیدی.
بیر قطار شمالي و شِمال-شرقي ولایتلرده طالبان هجوملری نینگ اوج آلیشی، سۉنگره بو گروه نینگ مثلی کۉریلمه‌گن تومنلرنی قوله‌شی شِمالده طالبانگه قرشی قرشیلیک نینگ ایکّینچی تۉلقینینی کېلتیریب چیقردی. خوفسیزلیک کوچلرینی قۉللب-قوّتلش و فاریاب و تخار ولایتلریده‌گی طالبانگه قرشی قۉزغآلاننی قۉللب-قوّتلاوچی اوشبو خلق حرکتلری ایکّی ولایت نینگ کۉپ سانلی تومنلری بیر هفته مدتیده طالبان جنگریلری قۉلیگه اۉتگندن کېین باشلندی.
طالبان گروهی تخار ولایتیده‌گی بیر قنچه تومنلرنی اېگه‌للب آلیش بیلن بیر قطارده، اوروش جغرافیه‌سینی کېنگه‌یتیردی و جنگ خوفینی تخار ولایتی مرکزی تالقان دروازه‌لریگه آلیب کېلدی. خوفسیزلیک کوچلری بیلن بیر قطارده طالبانگه قرشی خلق قۉزغآلانی، سۉنگگی بیر هفته ایچیده طالبان نینگ تخار ولایتی مرکزیگه اۉتیشیگه و قالگن تومنلر نینگ قوله‌شیگه تۉسقینلیک قیلیب، ایکّی تومننی گروه نظارتیدن چیقریب یوباردی.
جهادي قوماندانلر حاجی آغاگل‌قطغنی، وکیل محبوب، ابراهیم بیگزاد، پیرمحمد، عبدالله بیک، ارباب ولی، پیر مقتدر، جنرال نجیب و احمدشاه‌مسعود گه تیگیشلی مقاومت جریانی، تخار ولایتیده طالبلرگه قرشی خلقنی سفربر قیلیشده مهم رۉل اۉینه‌یدیلر.
خودّی شونده‌ی، شمالي ولایتلرده هم خلقنی سفربر قیلیش ملي جنبش حزبی نینگ اېتکچیسی مارشال عبدالرشید دۉستم، جمعیت حزبی‌نینگ نور بۉلیمی اېتکچیسی عطامحمد‌نور، اسلام حرکتی حزبی نینگ رهبری محمد محقیق و باشقه بیر قطار قوماندانلر تامانیدن شکللنتیریلدی. بو سفربرلیک خوفسیزلیک کوچلری بیلن بیرگه‌لیکده طالبانگه قرشی قرشی ینگی مقاومت جبهه سینی تشکیل قیلدی.
خودّی شونده‌ی، جان احمدخان حقجو، نثارالدین بریالی، حبیب سېدخېل، عبدالبصیر سَالنگی، عبدالظاهر سَالنگی و محمدالماس زاهد طالبلرگه قرشی قرشیلیک بیعراغاینی کۉترگن و خلقنی طالبانگه قرشی جنگلرنی باشلش اوچون سفربر اېتگن اېنگ تنیقلی قوماندانلر قطاریده پروان و بغلان ولایتلریده مقاومت کوچلرینی شکللنتیردیلر.
کابل، پنجشیر، بغلان و افغانستان مرکزي منطقه‌لری‌نینگ جهادی قوماندانلری و آقسقاللری هم قورال آلیب، مملکت خوفسیزلیک کوچلرینی قۉللب-قوّتله‌دیلر و طالبانگه قرشی جنگ میدانینی ایلیق توتدیلر. جهادي قوماندانلری طالبانگه هجومنی دوام اېتتیرسه و تینچلیک مذاکره‌لریدن یوز اۉگیرسه، اولرنی باستیریشلری حقیده آگاهلنتیره‌دی و نه‌فقط طالبلر نینگ کېینگی هجوملریگه یۉل قۉیمه‌یدی؛ بلکه یۉقالگن جایلر تېز آره‌ده طالبان نظارتی آستیدن چیقریله‌دی دیب اعلان ایتدیلر.
افغانستان حکومتی خلق قۉزغآلانلری باشلنیشی و طالبلرگه قرشی قرشیلیک شکللنیشینی ممنونیت بیلن قبول قیلیب، مقاومتچیلرنی قورال-یراق و حربي اسباب‌اسکونه‌لر بیلن تأمینلش دن سوز بیردی. حربي تجربه‌گه و طالبان بیلن اوزاق مدتلی جنگگه اېگه بۉلگن ملی مدافعه وزیری بسم الله محمدي نینگ ایتیشیچه، طالبان نینگ اوروشده غلبه قازانیشگه اورینیشی ممکن اېمس و خوفسیزلیک کوچلری طالبلرنی باستیریش اوچون قۉللریدن کېلگن برچه ایشنی قیله‌دی.
مدافعه وزیرلیگی نینگ خلقنی خوفسیزلیک کوچلرینی قۉللب-قوّتلشگه سفربر اېتیش حقیده‌گی دعوتی آرتیدن کۉپلب ولایتلرده طالبلرگه قرشی کتّه قرشیلیک تۉلقینی پیدا بۉلدی و بو قرشیلیک اوروش حالتینی ایجابي تامانگه اۉزگرتیریشی کوتیلماقده.
خلقنی سفربر قیلیش اوچون بلخ ولایتیگه کېلگن جهاد رهبر محمد محقق خصوصي عامه‌وي اخبارات واسطه‌لر بیلن صحبت‌ده اولر نینگ تینچلیک و یوزمه-یوز ملاقاتلر آرقه‌لی اوروش توگه‌شینی کوتیشلری موفقیتسیزلیککه اوچره‌گنینی و اوني قورال آلیب” مردم‌دن ندافعه‌ایتیش” و طالبانگه قرشی کورشده “مجبورلنگن ” دیب ایتکن.
طالبلر نینگ غلبه‌سی نینگ جنگاورلیک روحیاتینی آشیرگن اساسي عامللردن بیری بو خوفسیزلیک کوچلری نینگ مدافعوی حالتی ده ایکنی اېدی، بو طالبلرگه جنگچی کوچلری سانی آشیریش و موقعلرینی مستحکملشدن تشقری، اۉزلری نینگ اوروش جغرافیه‌سینی آسانلیکچه کېنگه‌یتیریشده امکانیت بېردی.
بیراق یقینده، سۉنگگی هفته‌لرده، خلق قۉزغآلانی اوج آلگنی و طالبلرگه قرشی کتّه قرشیلیک کۉرسه‌تیش اوچون کېنگ جماعتچیلیکنی سفربر اېتیشگه اورینیشلر بۉلگنلیگی سببلی، طالبلر نینگ غلبه‌لری نتیجه‌سیده یوزه‌گه کېلگن حسسي اۉزگردی. طالبلر قرارگاه‌لریگه هجوم قیلیشنی بویوریش وکالتیگه اېگه بۉلمه‌گن جهادي رهبرلری و قوماندانلری و خوفسیزلیک خادملری زودلیک بیلن طالبان موقعلرینی باستیریش و جدّي عملیاتلرنی اۉتکزیش تۉغریسیده بویروق تامکنلری سبب، نتیجه‌ده خوفسیزلیک کوچلری آلتی تومننی طالباندن آزاد قیلیشگه موفق بۉلییب بوگروه گه آغیر تلفات یتکزدیلر.
طالبلر بیر کېچه-کوندوزده بیر نېچته تومنلرنی اۉز نظارتیگه آلگنلیکلرینی ایتگن بۉلسه‌لر-ده، خوفسیزلیک کوچلری و خلق قۉزغآلانلری اولر نینگ طالبلر نظارتی آستیده‌گی برچه تومنلرده طالبان موقع‌لریگه هجوملری کوچه‌یگنینی و تېز آره‌ده اۉز نهایه‌سیگه یېتیشینی دعوا قیلماقده.
باشقه تماندن، طالبلرگه قرشی عامه‌وي حرکتلر و قوراللی قۉزغآلان نینگ معمالری و امکانیتلری مملکت حربي و سیاسي دایره‌لری آره‌سیده اېنگ مناظره‌لی مسأله‌لردن بیری‌دیر. بیر قطار حربي تحلیلچی‌لر نینگ فکریچه، طالبلرگه قرشی خلق نینگ آوازینی کۉتاریش حکومتگه اوشبو کوچلرنی قۉللب-قوّتلش آرقه‌لی طالبلرگه قرشی حربي باسیمنی کوچه‌یتیریش اوچون اېنگ یخشی امکانیتنی تقدیم اېتدی.
اما باشقه بیر گروه نینگ ایتیشیچه، خلق قرشیلیگی آقیملری نینگ شکللنیشینی پُخته باشقه‌ریش و نظارت اېتیشمسلیگی همده اوشبو کوچلردن فایده‌لنیش بۉییچه انیق رېجه یۉقلیگی ایچکی اوروشی خوفی و وضعیت حکومت کنترولی‌دن چیقیب کېتیشیدن تشویش اظهار ایتماقده‌لر. تنقیدچیلر نینگ تأکیدلشیچه، بوحرکتلر بیر حربي کېنگاش حاميلیگیده منتظم دستور اساسیده طالبلرگه قرشی دایمي روشده کوره‌شیشی کېره‌ک و حکومت طالبلر اوستیدن غلبه قازانگن کون نینگ اېرته‌سیگه خلق کوچلرینی قۉللب-قوّتلش رېجه‌سی بۉلیشی کېره‌ک.
جهادي رهبرلر و قوماندانلر و مملکت نینگ شمالي و شِمال-شرقیده‌گی اهالیسی، اما اولر اسلامي امارت دوری تۉغریسیده اچّیق خاطره‌لر بارلیگینی و اسلام امارت نینگ قَیتیشیگه هېچ قندی یۉل قۉیمسلیگینی اَیتماقده‌لر. اولر نینگ سۉزلریگه کۉره، طالبلر سۉنگگی ییللرده تینچلیک اۉرنه‌تیش امکانیتلرینی قۉلدن بېریب، زۉروانلیکنی کوچه‌یتیریش و خلق نینگ خواهش-اراده‌سیگه بۉیسونمسلیک آرقه‌لی خلق قرشیلیکی نینگ ایکّینچی تۉلقینینی باشله‌گن.
