مخصوص عملياتلر قول اردوسي، كماندو قوتلر هرات ولايتي ده طالبان قماقخانه سيدن ٤١ كيشي ني قوتقريليشي ني اعلان ايتكن.

بو قول اردو بوكون ( سه شنبه ٤ جوزا) نشرايتكن خبر نامه سيده بو شخصلرني قوتلريش عملياتي اوتكن كيچه هرات ولايتي پشتون زرغون تومني مرواه قشلاقي ده يولگه قويلگني دن خبر بيرگن.

خبرنامه ده يازيليشيجه قويب يوباريلگن بو محبوس لردن ١٩ كيشي سي امنيتي قوتلر ملازملري بولگن.

بو قول اردو خبرنامه سيده بو محبوسلرني تورمه ده سقلش اچون اينگ آز طالبان نينگ يتي جنگچي سي مسوول ايكن كه بو عمليات جريانيده اولديريلگني تاكيدلنگن.

طالبان حاضرگه قدر بو حقده بيران خبر نشر ايتمگن.

ملي اردو قوتلري معلوماتيگه كوره اوتكن كوني هم كماندو قوتلري، بغلان ولايتي ده طالبان قماقخانه سي دن امنيتي قوتلردن سكيز كيشي ني قوتقرگندي.