ملي خوفسیزلیک اداره‌سی طالبانگه قرشی ینگی خوفسیزلیک رېجه‌سی دایره‌سیده عملیلتلرنی باشله‌دی
neshananews
04 August 2021ملي خوفسیزلیک اداره‌سی حکومت نینگ ینگی خوفسیزلیک رېجه‌سی دایره‌سیده طالبانگه قرشی عملیات‌لرنی باشله‌گنینی اعلان قیلدی.
بو اداره بوگون ( چهارشنبه اسد۱۳) نشرایتکن خبرنامه‌سیده، بوداداره طالبان‌نی باستیریشگه قره‌تیلگن قطار عملیات لرینی باشله‌گنی دن خبربیرگن. خبرنامه، بو عملیلتلر باشلنگنیدن کېین تېز آره‌ده مملکتده‌گی خوفسیزلیک حالتی اۉزگره‌دی و مملکتگه تینچلیک و خوفسیزلیک قَیتیشی تاکیدلنگن.
اۉتگن هفته جمهوررییس غنی فوق العاده ییغیلیش ده، خوفسیزلیک کېنگاشی و ملي خوفسیزلیک اداره‌‌لریدن، خلقنی طالبانگه قرشی سفربر قیلیش ایجابی ایش باشلشلرینی بویردی.
جناب غنی، ینگی ایشلب چیقیلگن خوفسیزلیک رېجه‌سی دایره‌سیده، جنگ میدانی کېینگی آلتی آی ایچیده خوفسیزلیک کوچلری فایده‌سیگه اۉزگریشینی ایتدی.
جمهوررییس اشبو رېجه‌گه اساسن ، ملي مدافعه وزیرلیگی استرتېژیک مدافعه رۉلینی اۉینه‌یدی، ایچکی ایشلر وزیرلیگی مملکت نینگ مهم شهر و تومنلرینی، ملي خوفسیزلیک کینگاشی و خوفسیزلیک اداره‌سی اېسه طالبانگه قرشی اهالی‌نی سفربر اېتیشنی مسولیتی‌نی اوز ذمّه‌سیگه آله‌دی دیگندی.
