مملکتده کرونا واکسنی تطبیقی قیته باشلندی
عامهساغلیک وزیرلیگی مسووللری مملکتده کروناویروسی گه قرشی واکسن تطبیق ایتیلیشی قیتهباشلنگنیدن خبربیرگن. بو دورهده کیسه آدملر و قشاق عایله اعضالریگه بیرینچی درجه واکسن تطبیق ایتیلماقچی.
عامهساغلیک وزیرلیگی سوزچیسی معاونی عثمانطاهری بوکون( شنبه ۲۲ جوزا) نشانه خبرآژانسی بیلن صحبت ده واکسن تطبیق ایتیلیشی حاضر توقیز ولایتده باشلنگن دیب ایتی. طاهریجنابلری تورت کون دن سونگ مملکتنینگ برچه ولایتلریده واکسن تطبیق ایتیلیش ایشی باشلنهدی دیدی.
عامهساغلیک وزیرلیگی بو مسوولی، بو دور ده یالغیز کروناویروسینی یوقتیریش گه مساعد بولگن آدملرگه واکسن تطبیق ایتیلهدی دیدی. یعنی ۵۵ یاشدن بلند کیکسهلر، شکر یا دیابت کسلیگی بولگن آدملرگه اول بو واکسن تطبیق بولماقچی. شونیگدیک اخبارات واسطه ملازم و خادملری هم بو واکسن گه قول تاپهآلهدیلر.
هند تمانیدن افعانستانگه یاردم بولگن واکسن اوج هفته آلدین تمام بولیب و واکسن تطبیق ایتیلیشی هم توختتیلگندی.
اما اوتکن کونی چین دن افعانستانگه یاردم بولگن ۷۰۰ مینگ دوز واکسن مملکتگه یتیب کیلدی و بیرلشکنملتللرتشکیلاتیني واکسن بولیمیهم ۵۰۰ مینگ دوز واکسنني افعانستان دولتی اختیاریگه قویماقچی. هند بوندن آلدین افعانستانگه ۵۰۰ مینگ دوز واکسن یاردم بیرگندی. بو واکسنلر امنیتی و مدافعوی قوتلر، ساغلیک ني سقلش خادملری و اخبارات واسطه ایشلوچیلریگه تطبیق ایتیلگندی.
افعانستان کروناویروسی اوچینچی تولقینی اوجیده واکسن کمچیلیگی بیلن اوندای بیرحالده یوزمه یوز بولگن که خلقارا امنیتسیه تشکیلاتی افعانستان دولتی دن، خلقارا یاردملردن مملکت یشوچیلریگه واکسن ساتیب آلیشني طلب ایتکن.