حادثه لرگه قرشی کورش وزیرلیگی نی اعلان قیلشیچه مملکت ده جاری بولگن سوتاشقینی نتیجه سیده اینگ آز ۵۶ کیشی اوزجانی نی قولدن بیرگن.
بو وزیرلیگ سوزچیسی احمد تیمیم عظیمی بوکون ( پنجشنبه ۱۶ ثور) نشانه خبر آژانسی بیلن صحبت ده دیدی اوتکن بیرهفته جریانیده ۲۵ ولایت ده سو تاشقینی یوزبیرگن.
عظیمی جنابلریگه کوره جاری ییل (۱۴۰۰) ثور آیی ۱۱ چی کونیدن حاضرچه قدر سوتاشقینی ۵۶ کیشی دن جان آلگن و ۲۵ کیشی هم تن جراحت آلگن. بونگه قوشیمچه سوتاشقینی عاقبتیده مملکت نینگ تورلی منطقه لریده ۳۰ کیشی هم درک سیز یوقالگن.
حادثه لرگه قرشی کورش وزیرلیگی سوزچیسی شونینگ دیک سو تاشقینی سبب ۵۷ عایله اوی جایلریدن آواره بولیب و اینگ آز اوچ مینگ چاروا هم تلف بولگن دیب ایتی.
اونی معلوم قلیشیچه بو وزیرلیگ ملازم لری سوتاشقینی یوزبیرگن ولایت لرده صدمه کورگن لرگه یاردم یتکزیش و خساره لر میزانی انیق لش ایشلرینی باشلشگن.
آغیر یاغینگرچلیک لر مملکت ده جاری ییل ثورآیی ۱۱ کونی دن ۲۵ ولایت ده باشلندی. بیرقطار ولایت لرده شدتلی یاغینگرچیلیک لر آرتیدن یوزبیرگن سوتاشقینی بو ولایت لرده کوپلب جانی و مالی تلفات و خساره یتکزگن.